勞工處職員入

http://www.mpfa.org.hk/tc_chi/quicklinks/quicklinks_gic/files/FAQ_pamphlet_Chi.pdf
你去這網址睇吓有無得補救

係香港做老細, 唔駛要有香港身份証, 打工做僱員就一定要, 佢無犯法呀。

我都告緊舊公司, 希望俾到意見你啦!
你可參


其實勞工處係唔會去告人架!! 如果你去勞工處投訴, 佢會幫你約個僱主上去開調解會, 等你同你個僱主傾, 勞工處職員係全個過程都唔會俾意見, 亦唔會去判決邊個岩邊個錯, 調解主任會俾你響一個房裡面同僱主談判, 傾得掂(僱主肯賠錢, 而你又接受個金額) 就close file, 傾唔掂都係close file, 呢個時候佢就會同你地講, 既然大家唔肯和解, 你可以去法庭告佢, 勞工處既責任就已經完左!



你可以點去告你僱主呢? 要視乎你想追討既金額幾多! 如果少過$8000就要去小額錢債審裁處追討, 如果多過$8000就要去勞資審裁處申索. 但係無論你去邊度告佢, 你第一個步驟都係要去左勞工處開調解會先, 勞工處會根據<<僱佣條例>>視乎你有冇足夠證據 (出糧證明, 工作證明, 工咭...等等), 如果你提交晒所有文件, 勞工處會幫你轉介個case去法庭.



你要提交你舊公司既商業登記證俾法庭核實佢個登記地址, 然後法庭會寄傳票俾佢, 通知佢上庭既日期時間. 佢可以唔覆你call, 但就一定要上庭! 至於假如你打贏左, 佢賠償既金額即係你申索既金額加利息, 另外要俾法庭既堂費. (即係你追討$2000, 佢就賠$2000加利息俾你), 假如你輸左, 你得唔到賠償之餘, 要負責俾堂費, 同埋你去告佢時都要俾手績費架!



我單case係響勞資審裁處向僱主申索, 已經上左一庭, 月尾會上庭. 第一庭法官會講清楚僱佣條例俾雙方知, 再睇下你地肯唔肯庭外和解. 如果僱主願意賠錢, 就唔駛俾堂費同利息, 你地自己傾掂數就OK, 佢響七日內要俾錢. 如果唔肯和解就再排期上庭, 法官會要求雙方提供多D證據去支持自己既points (例如: 有關文件, 人證). 個調查主任同我講, 呢D案一般都要半年至一年先會審完, 我而家都覺得好煩, 不過開左個頭又唔可以話唔告.



至於佢會唔會罰錢或者坐監, 就要睇下佢犯既罪有幾嚴重(例如D酒樓員工俾酒樓欠薪幾百萬就算係好嚴重, 有僱主判左坐監), 但如果唔係好多錢, 又只得一個員工欠薪, 可能唔會罰, 只係賠償就算, 最終都係要睇個法官點判!



希望幫到你啦!!!





<<勞工處勞資關係科各分區辦事處>>



東港島區 香港灣仔告士打道5號稅務大樓34字樓



西港島區 香港薄扶林道2號A西區裁判署3樓



東九龍區 九龍新蒲崗太子道東698號寶光商業中心12樓1206室



西九龍區 九龍深水埗長沙灣道303號長沙灣政府合署10樓1009室



南九龍區 九龍旺角聯運街30號旺角政府合署2樓



觀塘區 九龍觀塘鯉魚門道12號東九龍政府合署6樓



荃灣區 新界荃灣西樓角道38號荃灣政府合署5樓



葵涌區 新界葵涌興芳路166至174號葵興政府合署6樓



屯門區 新界屯門屯喜路2號屯門栢麗廣場27樓2720室



沙田及大埔區 新界沙田上禾輋路1號沙田政府合署3樓304-313室



辦公時間：

星期一至星期五(上午九時至下午一時及下午二時至六時十五分)



如欲了解如何申請勞資關係科分處的調解服務或查詢有關僱傭條件和《僱傭條例》的事宜，請於辦公時間內親臨該科就近分處，或致電本處24小時熱線 2717 1771。



<<勞資審裁處處理的申索>>



在僱員提出的申索中，最常見的項目包括：

欠薪

僱主終止合約時沒有給予規定通知而應支付的代通知金

違反《僱傭條例》而扣除的工資

法定假期薪酬、年假薪酬、休息日薪酬、疾病津貼、產假薪酬或遣散費

年終酬金、雙糧及年終花紅

佣金

長期服務金

終止僱傭金

不合法解僱的補償

建築及建造業僱員向總承判商及前判次承判商追討不超過兩個月的工資

復職或再次聘用的命令

法律或僱傭合約賦予僱員的其他福利



在僱主提出的申索中，最常見的項目包括：

僱員辭職或終止僱傭合約時應支付的代通知金

預支給僱員的薪金或假期



每宗個案中必須至少有一名申索人的申索款項超過港幣8,000元，或申索人數超過10名，勞資審裁處才會受理。若勞資糾紛中，申索人數不超過10名，而每人的申索款項不超過8,000元，則個案會由小額薪酬索償仲裁處處理。小額薪酬索償仲裁處位於九龍長沙灣道303號長沙灣政府合署十樓，查詢可致電2927 8000。

參考資料

自己經驗 (我都煩緊同一樣野!)
相關詞：
機場職員員工泊車, 勞工處職位空缺, 國泰職員巴士, 勞工處, 銀行職員, 馬會職員, tiffany職員, 地鐵職員, 英皇職員, 職員按揭