倉鼠的資料

唔同意第一位網友太陽倒數既講法,問題較危險,希望網友唔好介意及可以留意一下:1)鼠bb一星期大絕對地唔可以食水果,原因如下:

a)鼠b一星期大,只係剛出毛,要到12日大左右,先會出去搵食
b)如果親自俾bb食,一來會哽死,二來會令鼠媽媽好緊張,可能會食bb
c)水果好快就會變壞,如果成日更換,都會令鼠媽媽緊張
d)就咁放在籠等bb食既話,絕大機會係鼠媽媽一個食晒,咁會做成肚瀉
e)水果只可以食極少,食得多會肚瀉,所以我就唔建議亂俾水果俾鼠鼠食
2)唔可以俾牛奶俾鼠鼠飲,咁好易令鼠鼠肚瀉,生完BB既鼠要飲奶,但就要俾奶粉沖既奶,而一般情況並唔需要亦最好唔好俾鼠鼠飲奶,避免令鼠鼠唔鍾意飲水

A.外貌,性情
要睇你講咩品種,常見寵物鼠係以下呢D:
熊仔鼠:正宗既背部金黃色,性格好溫純同細膽,所以較少咬人,不過同其他倉鼠係特別地相處得差,倉鼠本身就係獨居動物,但熊仔鼠係未到戒奶都已經可以打生打死
小灰霸:灰灰黑黑,背上有一條黑色線,性格較惡,因而叫小灰"霸"
小紫王:紫紫地灰灰地,比小灰霸淡色一d,呢一類鼠中我覺得係最乖既
小銀弧:主要白色,背有d黑色,性格一般同小紫不差不多,但惡過小紫王一點
小布丁:背部金黃色,好似熊仔鼠,但就係細品種既,性格一般,不算乖卻又不太惡
小露寶:毛色主要係黃黃啡啡,眼上有白色毛,好似有眼眉咁,係最快,最細,而又幾細膽既品種,個性好溫馴

倉鼠因為冇咩自我保護能力,得牙同爪,身體又細小,被攻擊既話好易冇命,所以就細膽怕人,有D咩事就會用牙同爪去保護自己,因此同鼠鼠相處,一定要有耐性慢慢唻,避免嚇怕鼠鼠,鼠鼠受驚會易生病,甚至嚇死

B.習性
倉鼠係夜行既獨居動物,日頭訓覺夜晚活動,習慣獨自一個生活,只會在交配時一齊一陣,交配完就回復返自己一個
倉鼠咀入面有兩邊腮,用唻收埋食物OR物品,因而叫"倉'鼠

C.喜歡既食物
倉鼠係雜食動物,基本上你俾咩佢都會食,而鼠並唔係傳說中最喜歡食芝士,已有研究顯示,鼠都係喜歡食甜既食物,但甜既食物易致肥,肥胖易誘發疾病,加上鼠鼠會放食物入腮,俾甜食俾鼠鼠易令痴住鼠既腮,做成腮既膿瘡,咁就要睇醫生處理先得
其實只係俾混合主糧同時都可以加d鼠專食既牧草or草磚已經好足夠,而家既鼠糧都係經研究而鼠成,好有營養既,而主糧係指一包有好多種唔同野食既糧.我 近年既鼠就只係食主糧,我個人經驗係愈少雜食,鼠鼠身體愈健康,可以去到年老都冇病,但都要留意,唔好俾鼠鼠偏食,差不多食晒D糧先再添加會好D,唔係就好易食晒入面既瓜子

一般正常情況下,並唔建議俾鼠糧糧同草以外既野俾鼠鼠食,除左以下呢幾個情況:
1)萬一鼠鼠便秘既話,其實可以俾d橙衣俾鼠鼠食,唔太多水份,又有益,我細個時試過鼠鼠便秘,食完橙之後肚瀉添
2)若鼠鼠瘦弱生病,就可以食白麵包or麥片去補充營養
3)如果冇晒糧又未買得切,就可以暫時以白米代替,但都要盡快買返糧
4)若鼠鼠生育後,餵奶期間可以俾奶粉沖既奶佢飲,切勿俾鮮奶,唔係好易肚瀉

俾鼠鼠食既野好影響鼠鼠既身體,亂咁俾野鼠鼠食,好易會令鼠鼠唔舒服,例如肚瀉,膀胱炎等,好多時呢D影響都唔係咁易見到,但一被發現就多數已經好嚴重,而蔬果or人食既野,建議都唔好俾鼠鼠食,原因如下:
1)鼠鼠多數鍾意將食物收埋入腮再去安全地方收埋(有時鼠鼠放入腮但都會好似食緊咁),之後再食,新鮮食物咁處理既話會好唔衛生,好易到食物壞左鼠鼠先進食
2)好多蔬菜都會有農藥,人食既時候整得唔熟都已經有問題,而鼠鼠既體積咁細,極少農藥都會做成問題,所以俾鼠鼠食係好危險既
3)咁多水份既食物好容易令鼠鼠肚瀉既,肚瀉對鼠鼠唻講係幾嚴重既病,好易會死架.就算毫無農藥成份既蔬菜,都好難控制俾幾多蔬果俾鼠鼠食,好易俾過多,所以唔俾好過
而鼠鼠本身住在沙漠,所食到既植物都同蔬果好唔同,水份一定好少
4)其實人類既食物大多數都唔適合鼠鼠食既,有d食物可能好少份量已經會超出鼠鼠可承受既鹽or糖份(果糖都係),又或會對鼠鼠係太刺激食物等,食得唔健康好易病既

2009-03-31 04:54:07 補充：
樓下網友annchan1998講既野唔係咁同意,希望網友唔好介意及可以留意一下,copy網頁都要留意返一d前後矛盾既講法,係有機會害到人地既鼠:
1)倉鼠係獨居動物,其實已經好多人知道,群居既說法大多來先鼠店
2)鼠鼠要到60日大先係完全成熟,而非4星期,3-4星期係戒奶期,但並未完全成熟
3)倉鼠係有尾巴,只係由於唔洗爬樹而令尾巴退化變得好短,但有d基因異常既鼠,就會出現冇左尾巴既情況
4)鼠鼠身上有一個地方叫"腺"係發出氣味既地方,除左用排泄物之外,仲會用呢個部份發出氣味唻霸地盆,所以係一定會有體味
5)並非所有倉鼠腳部都有毛,腳有毛既鼠係因為佢地原居既地方比較凍,而熊仔鼠既腳就係冇毛既

2009-03-31 04:54:33 補充：
6)每天放出籠1-2小時我覺得太多了,強迫鼠鼠出籠太耐會令到鼠鼠好累,其實留意一下唔放鼠出籠既時候,鼠鼠大多數都係訓下玩下又再訓,甚少出現連續不斷活動1-2小時咁耐;除非用既籠實在十分細,一定要天天放出籠行下,但最多都唔好多過半小時;而平日放玩具入籠,有足夠既空間,一星期放出唻玩一次都ok

2009-03-31 04:54:40 補充：
7)其實只係俾混合主糧同時都可以加d鼠專食既牧草or草磚已經好足夠,如果唔處理鼠鼠既偏食問題,鼠鼠就一定會偏食,所以要等鼠鼠就食完野先再添加;蔬果易令鼠鼠肚瀉,鼠鼠原居沙漠,食到既野都唔會好多水份;鼠鼠飲食要留意既事可參考:
http://hk.knowledge.yahoo.com/question?qid=7008022103115
8)千萬唔好日日都同鼠鼠沖涼,咁會令鼠鼠抵抗力下降,反而易患皮膚病,一星期沖一次,太熱最多兩次
9)俾鼠鼠飲既水要係熟又放涼左既水,唔好俾暖水,最好每天更換,咁就冇咁易肚瀉

倉鼠，英文名叫 hamster，牠們將食物收埋於腮既兩邊，好似倉庫一樣，所以
被叫做倉鼠。倉鼠屬齧齒科，最細既倉鼠身長約9cm，最大既身長可達約18cm。
倉鼠係群體生活的動物，一般都好合群，不過亦有些倉鼠性格孤僻。倉鼠是夜行
性動物，日間是睡覺，晚間才活動。牠們的壽命很短，平均只有年半至二年多，
四個星期大已是成年。他們與老鼠不同，他們有一條很短的尾，甚至沒有尾巴。
牠們的腹部毛色雪白，沒有體臭，而尾部和四肢則極為短小，有少量白毛包圍
著，透出粉紅的膚色。

倉鼠的種類有很多，最常見的為以下幾種，俄羅斯倉鼠，其中包括小灰霸、小紫
王。另外有利亞倉鼠，其中包括金毛鼠、小露寶。還有很多品種是不太常見如:
龍貓鼠 、珍珠、金身、熊人 鼠、小雲石 、 銀狐等等。
注意事項:











a. 鼠是在白天睡覺，不會被人干擾。
b. 需要在一個乾淨的籠子和有和新鮮的食物。
c. 睡覺的時候要有一個很寧靜的環境。
d. 如果主人長期不在家便要找人照顧鼠鼠。(約4日以上)
e. 每天要給鼠鼠1-2 小時籠外的活動時間，讓牠們做做運動。
f. 給鼠鼠一個大一些的籠子，這樣提供多一些的活動空間。
g. 不要放其它的寵物，否則會傷害鼠鼠。
h. 當然要有愛心啦！
　
2. 料理
1) 餵飼方面
倉鼠糧已有足夠的營養, 但倉鼠揀飲擇食, 一包糧只食三分之一, 所以不夠營養。
以下是一些提議:宜食清淡食品如新鮮蔬菜, 蘿蔔, 水果,倉鼠專用零食, 暖開水。因
為這些食物營養較高。忌吃熱氣的食物瓜子, 肉類等。瓜
子和熱氣的食物會使倉鼠脾氣暴躁。

　
2) 清潔方面
雖然倉鼠會用口水來清潔, 但並唔不夠乾淨, 所以最好日日都要沖涼一次, 會較健
康!!
---預備一個膠兜, 放隻鼠入去, 再用洗澡沙灑在背部, 注意不要灑到牠們的眼睛，
，再用擦擦下個身。注意定期幫牠們換木糠和清洗籠子!!
　
倉鼠唔可以用水沖涼，只需用涼粉。倉鼠專用的沖涼粉可以在倉鼠店買到，
每隔1至2星期可沖涼一次。籠要空氣流通，鐵籠適合夏天用，膠籠適合冬天用。
籠不要被陽光直射，每3-5日換一次木糠。水樽要檢查沒有塞，每3-5日換一次。

您好， 我推薦您一個關于寵物養護的資源網站，上面有很多很不錯的資源，肯定會對您有所幫助。

http://www.pets-lover.cn

祝您好運！

倉鼠是一種小型齧齒類動物，意思是牠們的牙齒會不斷地生長，故需經常磨牙以保持長度和外形。一般倉鼠的體長約 8-15cm，體重約 100-150g，壽命約２年。


倉鼠是雜食動物，幾乎甚麼都吃，但最好給牠吃小麥、粟米、摩登瓜子、合成鼠糧和黃豆（在鼠店可買到雜錦鼠糧），間中可給予新鮮水果。倉鼠很喜歡將食物儲存在兩頰的皮囊內，尤其是金毛鼠，常塞到塊面脹卜卜（:D）。所以當發現兜內沒有食物時，不用急著添加，先檢查一下牠們的面蛋再說吧！


倉鼠喜愛夜間活動，日間睡覺，本性如此，想改也改不了，所以當牠們在安睡時，你還是不要騷擾牠們好了。打擾清夢，實在是殘酷的行為！


水果，如蘋果、雪梨等，牠們都很愛吃。一、兩星期大的幼鼠最需要吃水果，因為牠們未夠高喝到水瓶裏的水，而母乳又未必足夠供應水份，故需藉水果吸收。你也可給予牛奶，牠們喝了後，毛髮會更加柔順呢！但牛奶放久了會變壞，須多加留意。不要給牠們吃含油和鹽的東西，因為會拉肚子啊！


希望幫到你^_^