我家姐個仔今年9歲,讀小學3年班
可能因為細個時俾父母管得太犀利,家姐唔想個仔步佢後塵,由個仔讀左小學開始,家姐就慢慢訓練個仔獨立,好似返學放學俾佢自己落樓下搭校車,去補習社都俾個仔自己去(要佢到左學校/補習社打電話返屋企),個仔要去踩單車(佢6歲時已唔使用輔助輪+一定要佢戴頭盔)就俾佢自己去+限佢玩到5點半就好返屋企...呢d設施全部o係樓下屋苑範圍,唔使過馬路
如果個仔成11-12點訓佢都唔理,因為佢話要個仔承受晏訓覺既後果,趕佢上床係冇意思,曾經試過個仔12點幾訓,第2日上堂冇精神俾老師鬧,佢之後就乖乖地早訓
阿媽就好唔鍾意家姐咁樣對佢個孫,開口埋口就鬧家姐..."你細個時我都冇咁樣對你啦!你唔記得我到你讀中三先俾你一個人返學咩??你未考會考我都唔俾你過11點訓呀!"or"踩咩單車姐?又唔用輔助碌,仲要一個人踩,你舅父試過踩單車時跌親隻腳,擦傷得好嚴重呀!個傷痕成20年都o係度呀!"or"你唔去學校/補習社接個仔,點知佢同d咩人來往呀??"
最近,姐夫買左部NDSL俾個仔玩,家姐每日只俾佢玩半個鐘頭,乖既就俾佢玩45分鐘,有次阿媽上左佢地屋企,見到佢個孫o係度玩NDSL,又o係度同家姐嘈,話呢d野會壞眼,應該連玩都唔俾玩,想玩都要等到讀中學,眼球發育好先好玩
阿媽成日同我地講,我地唔明佢當初點解管得我地咁嚴冇所謂,第日我地做左人父母就會明白,但到家姐做左人母親,唔係用佢果套教仔,阿媽就話家姐唔識教仔,唔識做人阿媽...
我個人認為家姐唔係唔識教仔,佢都係唔想個仔好似佢咁姐!我覺得佢冇錯
有冇做左父母既人會覺得當中係出左乜野問題呢?真係唔明!
阿媽成日話家姐唔識教仔...
2009-03-23 10:22 pm
回答 (5)
2009-03-25 2:14 am
✔ 最佳答案
你阿媽係教自己仔女，你家姐係教緊自己個仔，
最明顯就係要佢個仔知道守時的重要性，
你家姐係要佢個仔獨立，
你阿媽當然睇到心痛，
你阿媽都要學識接受，
如果佢今日唔好好教，
第日個仔重聽佢話，
你不如俾你阿媽睇一套日劇，
"東京鐵塔我的母親父親"
或現在的J2台東京鐵塔，
講一個男孩子長大的歷程，
你就知你家姐用心良苦，
現在界世最主要等個細路知苦、知錯、
最希望個D仔女知道父母用心良苦，
你阿媽果套係對你哋有用，
不過對孫子就不適用，
始終阿婆係會縱D孫，
無辦法啦!
2009-03-25 6:31 am
這件事反映了兩代之間對事物的不同看法,究竟是你媽媽的方法可取,還是你姐姐的方法行得通,你們兩姐妹可能最清楚,但是可以肯定的是,你姐姐應該並不認同你媽媽的方法是最好的,所以用了她覺得較為舒服及覺得可行的方法去教仔,因為這樣才會教出她自己認同的模式,這其實也是做父母所希望得到的。
你媽媽當初也用了她自己認同的方法去教你們,她覺得自己做得不錯,也教得兒女很好,所以自己的方法可套用在孫兒方面,她本意是好的,但是她沒認清其實要將教養責任交給孫兒的父母,而且時代不同了,教育方法也應修改一下。原諒你媽媽的執著,本意其實也不過為了孫兒的福祉,也是一片好心。
其實每個人對事物的睇法同期望也不會完全相同,老人家的說話,用的著的不妨也聽下,作為參考,覺得不合理的聽了就算,只要得出的結果是一樣的,各師各法,也不必為此太執著。
你媽媽當初也用了她自己認同的方法去教你們,她覺得自己做得不錯,也教得兒女很好,所以自己的方法可套用在孫兒方面,她本意是好的,但是她沒認清其實要將教養責任交給孫兒的父母,而且時代不同了,教育方法也應修改一下。原諒你媽媽的執著,本意其實也不過為了孫兒的福祉,也是一片好心。
其實每個人對事物的睇法同期望也不會完全相同,老人家的說話,用的著的不妨也聽下,作為參考,覺得不合理的聽了就算,只要得出的結果是一樣的,各師各法,也不必為此太執著。
2009-03-25 12:27 am
我都係做媽咪，有個三歲既小朋友
其實而家呢一代同以前一代係完全唔同架喇，教法當然唔可以用番以前果套啦。而家D人越管得嚴就會越反抗，反而好似你家姐咁，比佢獨立，但樣樣都要比番家長知道，咁對小朋友仲好
起碼比個小朋友知道凡事都會有後果，自己承受過既，好過父母講一百次，咁當然都要小朋友要有咁既定力啦
不過無論你點教都好，小朋友成長到某階段都一定會有反叛期。若果而家咁細個樣樣都好似上一代咁咩都限住既，到反叛期果時會有好大反差，即係一係就會好乖，一係就會好壞
所以我自己就覺得你家姐咁教係冇錯既，不過每個人都有唔同既思想，你媽咪覺得佢咁教都教到你兩姐妹乖乖地既，咁都係冇錯架姐，況且佢講既唔係冇道理架，呢D都係緊張子孫既一面。岩聽既咪聽囉，唔岩聽既咪左耳入右耳出囉，總知唔好駁佢咀由佢講啦
其實而家呢一代同以前一代係完全唔同架喇，教法當然唔可以用番以前果套啦。而家D人越管得嚴就會越反抗，反而好似你家姐咁，比佢獨立，但樣樣都要比番家長知道，咁對小朋友仲好
起碼比個小朋友知道凡事都會有後果，自己承受過既，好過父母講一百次，咁當然都要小朋友要有咁既定力啦
不過無論你點教都好，小朋友成長到某階段都一定會有反叛期。若果而家咁細個樣樣都好似上一代咁咩都限住既，到反叛期果時會有好大反差，即係一係就會好乖，一係就會好壞
所以我自己就覺得你家姐咁教係冇錯既，不過每個人都有唔同既思想，你媽咪覺得佢咁教都教到你兩姐妹乖乖地既，咁都係冇錯架姐，況且佢講既唔係冇道理架，呢D都係緊張子孫既一面。岩聽既咪聽囉，唔岩聽既咪左耳入右耳出囉，總知唔好駁佢咀由佢講啦
2009-03-24 12:49 am
有冇做左父母既人會覺得當中係出左乜野問題呢?真係唔明! －－－－－－－＝記得教孩子？有愛心＝會尊重，會自律。至好安排教他們學做義工，或學校活動？因為六年級和中一如果功課差，他會漸學壞的？中二無得求，中三會學得更壞的。以前父母只望我們兄弟不賭博不吸毒，不入黑社會。成績能考廿名內，我們便會有奬勵去旅行，零用加多，如果再能保持中學會考有廿分，三兄弟合共有五千元奬。所以我們會自律努力。但每週父母要我們兄弟寫日記後交出！要我們講出一周心情如何？講喜事一件悲事一件，兄弟一個一個輪流講出來的。有一次我說爸媽好長氣？我可否不講太多回應！媽說可以的？但三兄弟齊減三份二零用錢？嘩！嚇死我們了？我不再講父母長氣了。所以我們兄弟至今都十分熱心公益和尊重朋友父母的？自由中太多容易得到？變了無奮進心理？如你孩子下次你不順他意！必會出現反叛的，都幾危險的。
2009-03-23 11:15 pm
思想守舊既老人家就係咁,你地身為佢既子女唯有忍耐
就算你同佢講時代唔同佢都唔會聽你講
不如叫個乖孫去氹佢好過,細路仔氹老人家永遠係最容易既~
就算你同佢講時代唔同佢都唔會聽你講
不如叫個乖孫去氹佢好過,細路仔氹老人家永遠係最容易既~
收錄日期: 2021-04-25 19:07:25
原文連結 [永久失效]:
https://hk.answers.yahoo.com/question/index?qid=20090323000051KK00691