請問有無人知我乜野事？有病？

我都唔知點描述好，今日去某日式快餐店食野，食蒸雞出前一丁麵，點知坐低開始食無耐，左邊身就開始痛，唔包括頭同手腳，只係身體部份，好辛苦咁食完碗麵之後走人，點知行到出街越黎越痛，跟住行左入間書局度抖下，抖左十幾分鐘叫做好返少少，咁就諗住走，點知出到街又痛返少少但無之前咁痛，然後我諗住試下跑兩步睇下，點知痛到我飛起，可能咁形容太誇張，但我感覺好似d內臟想甩落黎咁，然後我去上堂，上左三個鐘基本都有痛但唔算太痛，放課後返屋企過程又係咁，行到落街好痛，上到巴士坐低就無咁痛，到落車之後行返屋企果陣又係好鬼痛，然後我又試下跑兩步結果又係好鬼痛

結論係，係室內既地方唔會太痛，如果坐定定既話會再痛少o的，一出到室外就會比較痛，我個人動作越大就越痛，而一路以來所謂痛係身體既左邊部份唔包括頭同手腳

請問有無人知我乜野事？我記憶中好似唔係第一次，一兩年前好似都試過同樣情況，好似仲遲續左成個幾兩個星期，但又無啦啦無事，但今次我一諗倒如果今次又要成個幾兩個星期後先無事我就驚了 .......

救命 ......