我咳左5個幾月,有冇方法可以令我唔再咳??

我上年(即2008年)10月中既時侯不停發燒同咳,咳既時候左邊膊頭下既肌肉好痛,睇左2次醫生都冇用,後來去睇急症,照肺照到係肺炎,咁我就個幾星期冇番到學,日日o係屋企訓覺,左邊膊頭下既肌肉好痛既原因係d菌壓住神經線,咁我呢段期間食左好多抗生素,最後就冇事啦。
咁唔知過左幾多日之後(唔係好長時間),我夜晚訓覺經常喉嚨痛痛醒,咁我就去買左d喉糖食,但係都冇用!到後來就演變成夜晚訓覺係咁咳,咳醒左,黎到而家2009年3月尾都仲係咁,期間睇左好多西醫&中醫,但都醫唔好!!

我既症狀主要有幾個:
1.我唔只係夜晚咳,一日早午晚都會咳,但如果早午咳左(仲要係咳得西利),夜晚就唔會咳得咁西利。我好多時都係夜晚12點幾咳醒,好多痰,咳成最小1個鐘。
2.我有時會係喉嚨痛痛醒(不過好小,咳多好多),我就會起身含d八仙果,就會好番d。
3.我經常會喉嚨連耳仔好痕。
4.我未發生d咁既事之前係有鼻敏感,經常流鼻水,但係咁咳之後,鼻敏感好左,冇咁嚴重,仲可以長時間都冇流鼻水。
5.我個口經常好乾,飲完水之後好快又口乾。
6.我而家都冇食煎炸,凍同甜野,水果同菜都好小食(因為中醫叫我唔好食)。
7,我睇過一個西醫,佢開d好勁既藥比我,藥食落去真係一聲咳都冇,藥一停又係咁咳,佢話唔可以係咁食藥落去,叫我買d枇杷膏食,但一d用都冇。睇過幾次公立診所,開d藥比我都冇咩用,都係會咳,佢仲叫我係咁食落去。我又睇過幾個中醫,都係冇咩用。我最近就係睇中醫,食左14劑藥,呢2日又係咁咳,於是決定唔睇。
8.我照左幾次肺,又驗過痰,都話冇事。
9.我食過蜜糖,生薑,生薑茶,燕窩,冬蟲草,枇杷膏,枇杷露,止咳露同d止咳藥丸,都係冇用!

而家到底可以做d咩??咩都試過哂,我夜晚咳攪到全家都冇得訓,個個都好痛苦,到底有咩方法醫??希望你地有人能夠比d具體方法(唔好copy資料)/好既醫生我啦(真係有用既醫生,唔係得個名),同埋如果你地有咁既經驗或你地身邊既人有咁既經驗,可以既話請比埋msn/e-mail。不勝感激!!