鼠鼠飼養一問(小露寶) ﹗﹗﹗杰入﹗﹗﹗

唔洗客氣,多問題唔緊要,咁都係關心鼠鼠既表現,但因字數有限,部份回答內容請參考其他我回答既知識,已附上連結,謝謝!
1,7:鼠鼠一買返唻就咁急同鼠鼠熟,鼠鼠有咁既反應都好正常,小露寶好馴,同時即係比較細膽,所以唔好太急去同鼠鼠熟,好難要求鼠鼠一買返唻就馬上同你好熟,如果你比大你咁多既動物忽然帶你去陌生既地方,都一定會好驚吧;留意返鼠鼠身體及排泄物有冇異常,擔心受驚誘發疾病,除檢查外唔好打擾鼠鼠,再用以下知識既A項同鼠鼠慢慢建立關係吧
如之前講既咁,鼠鼠驚好正常,唔係失敗既問題,鼠鼠已經好驚,再用水樽整埋去會令鼠鼠更驚,處理方法可參考以下既知識B項
http://hk.knowledge.yahoo.com/question?qid=7009030900725

2:如果有耐心慢慢同鼠鼠熟,但日子耐左都係咬你既話,可留意返會唔會有其他原因而咬你,詳細可參考:
http://hk.knowledge.yahoo.com/question?qid=7008090901511

3:如果你唔係對鼠感敏,其實就算咬到流血,只要消毒之後貼膠布就可以了,當然如果傷口或身體有咩感到唔舒服,就要睇醫生啦
鼠鼠咬人唔會有毒,而且冇咩病會傳人,唔同一般既老鼠,得一隻沙門氏菌係有可能,不過多數對人都冇咩殺傷力.有沙門氏菌就會肚瀉,鼠鼠幾日內就會死,但唔係次次肚瀉都會係沙門氏菌,唔放心既話,你隻鼠有類似情況而死,可以拎去俾獸醫睇下既.例如生雞蛋入面就有好多沙門氏菌,對鼠鼠唻講係好易致命,但對人就可能只係肚瀉,所以都唔洗太過驚既
當然,如果俾鼠咬完,唔理傷口,都會有感染其他疾病既可能,任何傷口都係,唔止係俾鼠咬先咁

4:鼠鼠發呆多數係以下既原因
a)當鼠鼠唔知自己在咩地方既時候,都會定晒咁樣觀察下周圍環境,以確定自己身處既地方有冇危險同埋係咩地方.好似鼠鼠玩轉轉咁,玩得耐左,都會忽然定左落唻,定完覺得冇咩問題,就會再玩過or冇事咁行開
b)鼠鼠受驚之後,一時未能接受,都會定晒唔郁,就好似人咁,例如過馬路時,過過下有車就撞埋唻,好易就會定左唔識郁

5:唔好俾波波球之類俾鼠鼠玩(有d係成架車,車上有個球,類似既玩具),算係危險既玩具,因為通風做得比較差,而且鼠鼠被困入面,會令鼠鼠感到壓力,想像下你被困一個咁既物品入面,行極都出唔到去有咩感覺?所以呢款玩具唔係幾適合鼠鼠玩既

6:只係買鼠第2日,未可以咁快話關係差左既,但如果keep住太心急去同鼠鼠熟,就真係會令鼠鼠愈唻愈怕你

8:食物盆高一D問題都冇,食物盆最好係可以俾鼠鼠成隻坐晒入去
鼠鼠驚又未慣環境,佢唔係完全唔食野都唔洗擔心;買鼠2日偏食暫時都係由得佢先,放大量食物入籠可增加鼠鼠既安全感,日後都係偏食既話,可等鼠鼠就食晒先再添加食物

9,11:唔需要買零食,其實只係俾混合主糧同時都可以加d鼠專食既牧草or草磚已經好足夠,唔建議食零食及食野有關既問題可參考以下知識A項
只係買兩日唔咬磨牙石都未要擔心住,大舊鼠鼠都會用既,如果唔用可參考以下知識B項
http://hk.knowledge.yahoo.com/question?qid=7009011000385
抓木糠抓地可以磨到抓,亦有可能係整緊窩;而鼠鼠原居於生漠,訓覺既地方就係地底,所以鼠鼠天生就鍾意挖地洞,但而家既鼠住在籠入面,所以挖唔到地洞,你就會見到佢成日係咁挖啦

10:最好天天更換放涼左既熟水,如果有事要離家短既時間,一星期內,迫於無奈都可以,但就盡量避免好D

12:如之前所講既咁,鼠鼠係習慣左抓地,係鼠鼠既天性,改變唔到,但你可以用一D矮身既盆整住籠底(唔好高到俾鼠鼠見到)

13.鼠鼠既睡姿千奇百怪,會捲埋一個波咁,整平個身肚貼地(多數係感到熱先咁訓),反肚訓等等都係正常
發夢,訓到好似"鐘"眼訓,訓訓下間中郁下,震,都會有你講既情況,鼠鼠而家好驚,震都唔出奇,反意返之前講既野吧
唔係好明"耳仔向外"係咩意思?你補充再形容or影相吧,每天我都會睇返已回答既問題

1. 你岩岩買佢番黎佢緊係要驚架啦(新環境嘛)
2. 應該冇咩邊個養鼠鼠未俾佢地咬過...
3. 佢地係會咬人..但係應該唔會咬到見到傷口掛..
4. 發呆都唔代表咩丫..
5. 可能佢做運動姐
6. 咁你就要同佢玩多d喇..佢同你熟左就唔會咁驚架喇~
7. 佢可能飲左你都唔知啦!
8. 係咪你個食物盤唔夠大..佢地鍾意坐o係個兜入面食架~
9. 你可以買俾佢地食..但係唔好成日俾佢地食呀..會熱氣架!!佢地熱氣會咬人架!!
10. 大約一個星期要換一次..仲有就係要俾熟既水(凍)俾佢地飲..唔可以俾生水佢地飲..會肚痛架
11. 佢地覺得要用咪用囉..
12. 佢地鍾意刮d木糠架..喱埋呀!!
13. 可能係因為吵..佢o係日頭瞓覺架..所以唔好咁吵呀~


希望幫到你..

2009-03-22 17:00:11 補充：
7. 如果佢真係成日都唔飲唔食..佢可能係俾野嚇親~你要俾多d時間佢去適應呀~

哇~你咁多問題既!!!倉鼠仔呢, 係你買番來兩三日都唔好斗佢牙,唔係佢就會唔信你, 就如你所講佢會咬你~佢咬左你, 如果只係有印就無所謂, 但都要洗手; 但如果有血,就要小心D, 要消毒啦; 發左炎就要第醫生~發呆, 佢無野既, 無聊姐!跑圈圈係鼠鼠人生一大樂趣來嫁, 所以無野嫁~我隻倉鼠都係好似發左癲咁跑嫁~做運動嘛~健康嫁~最好買多一D可以比佢爬上爬落既樓梯比佢玩, 咁佢就唔會做肥仔肥妹~你話佢聞下你就驚驚,係好正常既, 因為佢未熟你呀媽~你要比信心佢, 熟左就唔會啦~你買左無來, 佢未熟環境, 其實佢應該唔會唔飲水既...D野食佢應該唔會唔食, 都係未熟啦!!!磨牙石呢唔會唔磨,因為要磨好耐先磨得晒既; 或者你買既磨牙石唔合佢心水啦, 磨牙石買最cheap既得啦, 唔洗又香味個D~零食你買普通瓜子得嫁啦,但唔好比佢咁多, 會熱氣, 會咬人~水最好一至兩日換一次, 衛生D~記住買營養水~刮地好正常嫁, 佢地覺得好玩嫁, 你可以欏D報紙圍住個籠, 唔好飛晒出來~倉鼠有千千萬萬個睡姿嫁~我隻倉鼠城日都反肚訓啦~你唔好咁擔心啦~你有咩問題可以再問我嫁~我養過十幾隻倉鼠~都算有經驗嫁~