中國航空母艦

本來唔想答呢條問題，但見上面條友扮晒專家，但事實上又唔係咁識野，小弟覺得有必要講幾句。
首先，近來已經有大量傳聞話中國會係黎緊既四月海上大閱兵上正式宣佈興建航母，據我了解呢個傳聞可信度頗高，係唔係真就要拭目以待啦。
講番中國起航母既能力，無錯依家中國睇落係唔夠裝備，但對中國軍備有認識既人就會知道中國依家既能力係點。先講造艦能力，中國現在完全有能力建造任何十萬噸以上既船艦。動力系統方面，中國完全有能力建核動力航母，就算唔用核動力，中國亦已經全力發展重型燃氣渦輪機，現在已初有成果，因為052C驅逐艦，包括170及171號都係用國產既燃氣渦輪機，所以可以相信將來中國航母都可以用國產燃氣渦輪機。就算用唔到燃氣渦輪機，中國航母點都可以用傳統既蒸氣動力，所以動力一啲都唔係問題。
另一個難點係預警機既問題。中國既大型預警機空警-2000已經服役，但咁大架梗係唔可以上艦。不過對大陸軍事發展熟悉既朋友都會知道大陸已經發展緊空警-200，即係俗稱“平衡木”既平面陣列相控陣雷達預警機，佢只有一架小型運輸機既大小，絕對可以上艦。
反潛都係大問題，呢樣野係難搞，因為中國無可以上艦既定翼反潛機。但中國有可用既反潛直昇機，多搭載幾架，再配合驅逐艦部隊就可以。除左反潛機，主力戰機都係問題。引入Su-33係幫緊俄羅斯衰落既戰機工業，因為中國絕對可以改裝殲十一上艦，反正殲十一同Su-33無論氣動外形同裝備都差唔多，而且我地唔可以否認殲十或飛豹上艦既可能。至於起飛方法，中國買得瓦良格番黎研究，唔駛講就肯定用滑跳甲板。有人話中國無能力做可以舉升幾十噸既重型昇降機將飛機由機庫升上甲板。呢句完全係廢話，中國連華天龍呢啲世界頂尖既重型起吊設備都識做，區區一架升力幾十噸既昇降機反而做唔到﹖有無人信﹖
當然，中國唔可以係幾個月內就可以建立一支航母艦隊，但十年內就做到唔單止絕對有可能，而且仲要係機會極高。因為隨著中國係國際上地位愈來愈高，中國好有必要擁有一支航母艦隊去世界各地保護中國既利益。

中共今天沒有自製的航空母艦，亦未有公布任何航母建造計劃。


中共亦沒有一架有作戰能力的外購航空母艦。向烏克蘭購買的瓦良格號，只是空船，出口中國以前已經給拆除所有機電設施。相信瓦良格號只是作將來興建航母時的參考，或用作海軍訓練使用

原因：

沒有配套航空母艦的技術。眾所周知，航空母艦自身火力不強，亦有很多弱點，如體積龐大容易命中。因此航母需要其他艦隻的支援和保護。中國只有反艦的技術比較好，反潛和空中預警能力非常薄弱。防空能力有中國神盾的誕生而有所改善，但要保護航母這龐大和重要的目標，仍有困難，技術未成熟。在航母艦載機方面，中國仍然未可以開發出適合航母惡劣環境作業的戰鬥機，可能要向俄羅斯引入SU-33。所以，即使中國自製一首航母，亦無力支撐整個航母戰鬥群的持久作戰力，亦無力保護航母航母造價高昂戰略上，潛艇比航母更切合中國需要，所以集中發展潛艇中國無力興建一所完整的航空母艦。要建造一艘外型像航母的船是可以的，但中國工業無法建造適合航母的發動機，以及相關的作戰系統

圖片參考：http://upload.wikimedia.org/wikipedia/commons/0/0d/USNWC_Varyag02.jpg

瓦良格號

的確係無...因為中國未有制做航空母艦既技術...而且就算有...航空母艦既維修保養要用好多錢...中國仲未算係超級大國...仲係養唔起....