離婚後財產問題(20點)

其實誰是誰非, 好難三言兩語說得清, 不過我有以下建議:

1. 找律師商討法律意見, 可以找謝偉俊這些律師事務所, 他們會有"專業"意見, 可能找人偵查你老婆行蹤...等.
2. 首先你先經濟封鎖佢, 如果要比廿元一餐, 大仗夫能屈能申, 10元麵, 12元燒肉飯咁挨住先, 比錢你爸爸或找社署送飯, 頂住先, 如果佢無錢, 出街都無用, 希望佢回心轉意, 佢都要養佢阿媽嘛.
3. 如果離婚, 佢無理由仲一齊住, 一申請離婚分居, 已有權要她離開, 到時換鎖, 搬走她的東西, 但切記唔好掂佢/佢阿媽, 唔好用武力.
4. 離婚後, 如果證明佢無獨生能力, 確要你撫養, 可能分你一半身家, 但還要睇你個女的撫養權, 如果佢一向唔理個女, 而你又有撫養權, 第一層樓自住, 不能變賣, 佢分唔到, 如果你除去生活費, 無餘錢剩, 佢都拿不到你分毫

所以, 你最好找社工介入, 幫你照顧一老一幼, 部署照顧女兒形象, 送返學, 接放學, 希望女兒跟你多些, 申請離婚, 到時法官才易於考慮問題不在你處.

當然, 補救夫妻關係為上策, 可跟你老婆開心見誠講, 可能你少關心佢, 又可從你外母口中打聽情況, 如果外母都在你一邊就好很多.

最後, 如你暗示, 佢出便有不軌行為, 佢個女成為負累, 你得到撫養權機會更大, 就唔使同人分身家.

離婚的理由是否一定要有，我唔清楚。你的情況，或者可以話佢無理行做妻子的責任。

其實，正確黎講，比幾多善養費、邊個比邊個，基本上都係睇番夫婦一齊生活時，生活上的洗費資出係邊個負擔、各方的財政狀況。

如果照你講的情況，你太太係需要依賴你生活。再加上你有小朋友，小朋友一般都會判比媽媽。咁你應該需要比善養費佢。

至於如果你爸爸過世後，層樓變成係你。就層樓黎講，除非你爸爸平安紙指定話比層樓你同你太太共同擁有，否則，你太太應該無業權。就算係兩夫婦。 **(當然，講緊你爸爸無立平安紙，你必需要係你爸爸的遺產唯一繼承人。即係你無其他至親，如媽媽、兄弟姊妹、阿爺、阿麻)

至於話需唔需要分一半層樓比佢、善養費比幾多，都睇法官點判。

呢D都係好皮毛的資料，而且可能未必適用於你的情況。未必可以幫到你。建議你搵社工，佢地應該可以比多D準確的資料你，更加可以比到意見你。

呢D咁複雜同重要的問題，唔好響呢道問囉！教你的人比錯資料你你都唔知GA。最好問律師，或者起碼問社工會可靠D。

希望你的問題可以解決啦！無論點都好，好好照顧囡囡。你的愛心同教導比是否單親家庭更重要。有家庭但漠視小朋友一樣唔好。