有關保險營業員

你沒有說那一間保險公司，很難說對這公司有沒有信心，我以前也有差不多經驗，因被栽員而年紀又過了４０所以考慮入行，不過是由朋友介紹ｕｎｄｅｒ一位經理級的保險經理，過程是先要由這經理面試，合格後轉介去上該公司的課程，免費的，並要每天去這公司上班半天，直到考試，不過考試費要自付約２００多元，考試合格才會和你商討簽約，內容沒有底薪，但可以預支佣金，你可自行按需要要求預支金額，但當然如果做不了單又不再做是要還錢的，你就看自己能力看做不做吧！
我當時剛考到牌就找到另一份工作（不是保險的），所以沒有簽約，不過我記得那公司（ｍａｎ．．．）說如果做每月一般要做４份單就可約有１００００元收入，難度都幾高的！

做保險並不是人人都做得嚟, 好多人都討厭做Agent, 怕俾人睇唔起, 或者怕自己搵唔到客. (所以佢地唔有時請人都唔先講清楚係請Agent)

而家佢地改咗叫Financial Planner, 個名好聽啲, 其實都係做同樣既工作. 你要自己搵客, 要自負盈虧, 基本上同自己做生意不大分別. 但保險公司會提供辦公空間及各種銷售材料俾你兼埋培訓你, 每月收番你少少費用.

就係因為難做, 所以佣金唔錯, 每月做幾張單有可能已經入息過萬. 如果你人脈好, 識得打開客路, 每月既入息可能是10萬8萬都唔一定. 但有這種能力既人唔會好多, 你要有心理準備. 公平啲講, 你只要唔係懶, 唔係怕見人, 一般都可以搵到啖食, 其他就睇你造化囉.

每間公司, 甚至每個營業團隊(Agency)的規矩都有啲唔同, 你最緊要既係跟到一個正派的營業團隊主管(Agency leader), 因為這會對你的事業發展有很大影響. 我建議你先揀喺市場上有比較正面形象既保險公司, 然後物色其中一啲優秀而又啱key既團隊leader. 有一點要記住, 喺你作出最後選擇之前, 千祈唔好簽任何文件, 因為如果你簽咗, 而你最後又轉呔想去第二條team, 你就去唔到喇.

依我見, 保險其實係正行正業, 做得好仲應該好專業, 當作俾自己一個體驗既機會好, 一個增加入息既機會好, 損失的風險唔會好大的話, 不妨大膽作一嘗試呀. 講唔定你就係明日之星哩.

仲有, 揀一啲正氣啲既公司, 簽合約既時候問多啲, 風險自然會更低啲啦.

得閒嚟我個Blog坐吓啦, 或者對你有所啟發架.

每間公司的制度不同, 有些公司上堂(包括考試準備班, 新人班)等, 是要簽約的, 如果考到不在該間公司做agent, 便要賠償課程費用, 而且費用不少. 但也有公司是分文不收的, 好像我所屬的公司便是其一.
其實每個保險代理都需要先考取iiqa paper 1,3才能與保險公司簽約成為代理人, 銷售產品, 考試合格既然是個人的資產, 自己負責考試費用與牌費自然很合理. 所簽的合約是代理本身與保險公司簽署的, 有關離職還款, 與及如何能得到各種福利都有清楚列名, 相信不會取巧.
而得到的底薪與津貼因人而異, 主要因應個人的過去收入, 預算自己能做的quota, 與及經驗而定.
至於入職後的工作安排, 完全視乎你加入的團隊是如何安排. team team都不同, 不能一概而論.
所以揀一隊能合得來又幫助到你發展的team非常重要. 如有興趣多作了解, 可聯絡.