事實上,我從小就在一個充滿了愛,但係同時又好嚴的家庭中長大,父母都好錫我
雖然我而家16歲,但係我自問我對父母好好,絕不是一個問題少女,但係而家我真係覺得好難過、同埋心痛
原因係我有一個而家讀緊4年班既細佬
我地屋企又唔係有問題、家嘈屋閉,daddy mummy同我都好錫佢,但係佢一做錯事既話我地都會罵佢、甚示打佢
但係佢就一次又一次令我地失望
佢由細就學人講大話、3年班冒爸爸簽名、4年班就係學校講粗口、又試過默書唔識俾錢人,叫人俾個未佢睇
我地一家已經為左佢覺得唔知應該點教佢先明
仲試過有一晚,父母因為佢而差d互打同搞到離家出走
今日放學番來,佢就因為mummy一句唔合佢心意既說話而發脾氣(已經試過好多次)
終於俾我媽咪趕出街,當然,我媽咪趕走左佢又叫佢番來
但係我真係唔開心,特別係嘈交個晚
我唔知道我應該點做先好
一來,我覺得日日屋企人為佢而嘈,覺得好辛苦;二來,屋企成日嘈交,當父母同親戚傾開個陣會講起,我係親戚面前覺得冇面,因為我地屋伍又窮,又家嘈屋閉,仲試過串我媽咪,話:如果你個仔好似你個女咁樣,屋企就唔使成日嘈啦!...我真係覺得好大壓力!我媽咪成日都叫我讀好d書,要生性d,唔好衰俾人睇,但係竟然有一個咁既細佬,唉,我真係好心痛,又辛苦,唔想再見個d親戚!
所以我希望可以係度尋求一d意見~thanks
更新1:
好多謝你地既意見,其實我細佬都算係一個成績好既學生,佢成績都係頭10名,但係佢性格變成咁,其實我地都好擔心佢會把佢既小聰明用係唔好既事上面。
更新2:
不過可能我又真的是把這些看得稍微過重.唉
