結婚有冇人唔請伴娘同兄弟姊姊團的

安伯話：完全無問題。
男女家都唔擺酒仲簡單，就當作註冊程序做。
結婚當日都會著婚紗同結婚禮服的話，應該要請影相師。
一般做法，就只通知親友何日何時註冊，歡迎觀禮，可派餅咭，人情免收了。
當日男仔要到女家，連同女家親友去註冊處，男方親友自己去。
註冊後，安排兩家親友去食一餐，新人再去婚紗外影。搞掂。
**要先和攝影師溝通，因為純註冊與另加婚紗外影收費唔同**

恭喜!!恭喜!!
何不旅行結婚?

如果係用以上的安排
不如旅行結婚
當日註冊
跟住同你想請的人食飯
就去旅行
不過現在你安排好你的計劃
我認為請朋友幫你影相比較好
起馬全部自己友
人雖然唔多
但夠溫馨
如果要到女家接新娘
冇兄弟姊妹團
的確外觀上有點...
身處香港好難唔在乎人家的批評
但如果你兩家當日租酒店用來接新娘(一間就夠)
外觀上就可改變

冇伴郎伴娘同兄弟姊妹團都ok嘅。 既然你親戚朋友少, 你就要準備餅咭俾佢地啦! 顯得你大方D, 如果唔係會好肉酸。
至於相方面, 你一定要影。 因為你地D親戚朋友實問你地攞番D相, 如果你冇你就慘啦, 俾人講成世。 加上你都著婚紗同禮服, 唔影相留念會好可惜。
不如你地睇吓有冇D朋友影相ok嘅, 又或者平時有影開相嘅, 你叫佢地幫你影。 不過, 如果你叫朋友嘅話你要搵多幾個, 除非佢好熱心加好專業。 因為佢地通常掛住玩或者傾計, 冇乜點影, 到最後可能得10-20張, 仲要唔知靚唔靚。
你地先問吓朋友, 如果冇, 你就要搵攝影師啦! 如果你搵唔到, 你搵我啦, 我有朋友幫人影開結婚相, 我嘅e-mail係[email protected], 到時才詳談。

2009-04-01 16:39:16 補充：
係D姊妹玩新郎之ma, 如果冇人想玩咪唔駛玩囉! 但係如果有人想玩, 就唔好阻止, 任得佢地玩, 如果唔係會顯得你好小家。

圖片參考：http://l.yimg.com/f/i/tw/ugc/rte/smiley_7.gif
一切想簡單為主 ,冇伴郎伴娘同兄弟姊妹團...不會肉酸！！！
好多新人怕麻煩旅行结婚，回來只請雙方親友食飯，之後再通知D fd...女就或會泒餅咭，但也可免徐，只要大家同意開心,,,其它就不用理！

2009-03-20 05:20:59 補充：
可請有經驗影相而有部可影到人既朋友幫忙做影相師！
而加D數碼相機...都影得唔錯，祝你有個開心婚禮！