收到舊公司追數信

本人最近收到舊公司追討本人兩萬元, 原因是在我05年離開舊公司時他們計錯了保償金額計多了兩萬元給我, 當年簽收時本人並未為意他們計錯數, 加上我都唔識計, 見佢地計到幾多應該無錯所以就收佢地計果個數, 事隔4年, 今日竟然收到佢地既追討信, 話如果唔還會告入小額錢債審裁處向我追討, 本人覺得舊公司好無理, 加上我真的不知道他們是否真的計錯數, 又無証明話俾我聽計錯乜野數就話我唔還就告我, 我覺得好氣憤, 如果你係有証明付上話俾我知點解計錯數而又係真的話, 我一定會還, 所以我決定唔理佢! 真係收到小額錢債審裁處寄黎既通知先決定點做!

但想問下各位人兄, 如果佢真係告我入小額錢債審裁處, 我想請教幾個問題:

(1) 我會唔會收到通知, 收到通知後我要點做?
(2) 洗唔洗請律師?
(3) 我點樣可以磪認佢條數真係計錯(因為都已經係4年前既事)?
(4) 最壞既情況係咪只係還返欠佢果兩萬元俾佢(如果條數係真) + 堂費?
(5) 堂費要幾錢?
(6) 我仲有乜野要留意?

希望有人可以幫幫忙, 感激萬分!