關於煮豬肉煮得淋d一問

豬肉係分好多部位，啱老人家食的豬肉有些這款，你炒豬肉就買、水展、枚頭肉，炆就五花腩或3、7豬肉，即係3分肥7分瘦來炆，蒸就買豬面青、柳梅，煲湯就買豬展，其實炆同蒸都好，最緊要你係買什麼部位豬肉，炆豬肉最緊要係加少少冰糖，因為冰糖係令豬肉快淋，再炆下焗下，咁就好快淋，(你先將豬肉炒香，然後加入其他材料，加水，開大火(水滾後)炆大約10分鐘，再轉細火炆15-20分鐘，關火，焗下去，如果你有好多時間，咁就有得佢，放到你再煑飯，開大火煮熱，水多可用大火再炆大約5分鐘，最緊要你想要多汁定少汁，睇你自己，最後你想知舊豬肉淋唔淋，用筷子插入舊豬肉到，插得入就代表熟，如果無時間，咁焗佢半小時左右，又係用筷子試，唔淋，咁你再開火煮多一陣，咁就完成。唔一定要切小件去炆，蒸豬肉你將豬肉醃好，飯滾放入電飯煲蒸，咁碟豬肉就熟，你下次可以問豬肉檔老闆，請教佢，問佢有乜啱老人家食，咁佢就會介紹比你，你可試試，今日我想蒸豬肉，有乜嘢啱老人家食，有乜好介紹，但你又炒下我寫的豬肉名稱，睇吓佢有無介紹這款給你，咁你下次就會知點樣買豬肉。其實我介紹炆同炒豬肉都係最啱老人家食，炆炒兩者都可以撈亂黎做都無問題，例如︰蒸或炒豬面青、五花腩、柳梅等等，隨你喜歡。