學警狙擊中，神父透露laughing的來歷給若芯知道．．．

冇睇開電視劇, 唔知你講既劇情, 前因後果... 只能以宗教角度討論下神父係告解中既角色.
其實犯罪,告解,贖罪本來係一個 [人] 同佢既 [神] 之間既事. 因為罪破壞了 [人] 同 [神]之間既關係. 告解就係用來修補呢個關係. 所以而家我地叫做 [修和聖事].
神父係當中既角色就係耶穌既代表. [ John 20:22-23 (復活後的耶穌)就向他們噓了一口氣，說：「你們領受聖神罷! 你們赦免誰的罪，就給誰赦免；你們存留誰的，就給誰存留。」
所以,神父就係履行耶穌交比佢既職責,去聽人既罪,去用耶穌既名義赦人既罪. 佢聽到既野其實係代表耶穌聽既. 講唔講得比其他人知? 咁講出來咪背叛左耶穌囉,神父只係一個代表黎架咋! 正如你個律師代表緊你, 又點可以唔得你同意而亂講野吖?
神父成日聽聽埋埋咁多d人做既衰野, 個心都唔方好過架啦, 又唔講得, 相信做神父都唔輕鬆. 不過, 佢亦係代表耶穌來赦罪, 罪赦左, 就即係人同天主已經修好, 即係前事就一筆勾消, 重新開始, 以前既罪就應該忘記佢啦.
連記住都唔應該, 有咩理由爆料至得架!
===
後記:
在下對TVB演了十幾廿年既學警+卧底劇沒半點興趣, [神父] 係呢D咁既劇中能夠有咩角色呢? 只不過係劇情需要一個位, 一個角色來爆料而已. 以純粹宗教角度討論TVB劇情, 似唔似以流行文化角度探討莎士比亞呢?

2009-03-21 22:31:16 補充：
原來劇情與告解無關.

咁無論佢係唔係神父, 都可以交朋友, 都可以傾計, 都可以提起其他人架播.

咁亞laughing 哥有冇叫神父唔好講比芯姐或任何人知先... 如果無, 咁神父又唔知會害死佢既話, 講出佢既身份就係無心之失囉.

如果亞laughing 哥叫左佢唔好講, 佢都講, 就真係衰仔囉. 對神職既操守既要求, 同一個普通人差不多啦.

2009-03-23 09:17:51 補充：
回大話哥的題外話:
金庸 [神雕俠侶] 既新版, 已經政治正確左好多, 為喇嘛講多左好多好話啦. 不過觀眾/讀者係鍾意睇 [大壞蛋沒有好下場] 既戲, 搞到而家又唔知同唔同情埋個喇嘛好... 唉!

2009-03-23 09:18:02 補充：
所以呢, 在下又唔係想無線夾硬將d神職人員塑造得十分完美, 個個神聖高尚. [事實佢地都係人來啫]. 咁會令劇情趣味性降低.

不過同時又要公道d, 唔好用理性既角度, 當佢地真係神職人員來批判, 皆因, 個演員同寫劇本既人根本就唔係宗教人士, 又何須當真!

違背他的神職操守,唔係,是因為laughing害死神父的女,神父一時怒,說了出來