關於中文 抒情文的問題!

先聲明一下，我並無認真記過呢d修辭手法既意思，但見未有人回答你，不如我將我"覺得"既講一講吧。
其實寫作中，抒情文並唔係話一定要用到特定既修辭手法先叫做抒情文，只要文章主體有一種借住一件事或者一種東西，去抒發自己既感受就可以(或者你都可以話係主要以「借物抒情」為主吧)。
以小見大、托物言志等等，其實都算係"借物抒情"既一種，只不過前兩者多以表達更大情懷如愛國，又或者係環保等大課題而已。
至於聯想 法、對比法等等，應該都算係所有文體都適用既寫作手法，而非抒情文特有既文法。以小見大則大多於抒情文所見吧............
我自己都幾鍾意中文寫作，但我從未有就我寫既句子去分類為：呀，呢個係借物抒情，呢個係聯想，呢個係對比等等。只要大方向仍然係抒情方面，就無問題了。我諗你都唔會先要指明你用緊係咩技巧，繼而先再作落去吧。
其實我都唔係太清楚，就當大家互相討論、交流吧^^