食品，日用品過期貨

何大師，點解你d問題咁奇怪？你最近係咪受咗d乜嘢刺激？大家朋友，有嘢唔怕照直講喎，唔好屈住喺個心裏面，咁樣對你既身體唔係幾好，好容易會壞腦，我唔想有朝一日要走去青山探你。
請問如果錢放係銀行幾年後，會唔會因爲過期導致唔用得？
錢唔係軍票，你唔使擔心得咁緊要，你千祈唔好將d錢收埋喺枕頭底，俾人入屋偷竊會成副身家化為烏有，連渣都冇，最多剩番幾個大餅俾你，到時你望住個枕頭喊都喊唔番。
你最近係咪比較多同d啊婆傾偈？因乜事你好似d啊婆咁樣咁唔相信銀行？有時d啊婆既感染力都幾犀利，你千祈唔好俾佢哋迷惑到，你要有番d定力、要有自己既主見正好，唔好人話乜你就乜. . . . .
仲有就係袋内有好多錢唔用就會過期既啦，用唔嗮就應該攞去派街坊啦！
第一，喺太平盛世錢係唔會過期既，就算日本仔又再打到嚟你都唔使驚，你識做三萬三千伏既高壓電工程架嘛，你可以將d高壓電駁落地下，整d跨步電壓俾d日本仔嘆，保證佢哋嚟咁多死咁多！
第二，就算d錢用唔晒都唔一定要派街坊既，仲有好多更有意義既事可以做，內地山區有希望工程等住你去捐錢，非洲有好多小朋友就嚟餓死等住你d錢救命，好多經濟落後既第三世界d女仔因為冇錢又成個社會都冇任何機會而要操迎送生涯，而家等緊你d錢嚟救佢哋脫苦海。香港有足夠既社會福利制度，香港人窮極苦極都有個限度，你睇吓d冷氣巴士幾咁豪華，窮人都嘆得起呢d超級豪華巴士。冇錢駛走去垃圾站大把嘢可以執去賣，起碼可以買幾個麵包唔使捱餓，垃圾站仲有大把舊既家庭電器、舊既傢俬可以捧番屋企，香港人根本就未真正嚐過窮既滋味，所以香港人係唔需要派錢俾佢哋，因為香港人根本唔知乜嘢係真正既水深火熱，你d錢應該用喺第三世界既地方正啱，想清楚正決定派去邊都未遲，睇定d先啦。



2009-03-26 09:35:11 補充：
原來你有咁多不幸既經歷，我同情你，我完全理解你果種無奈、哀苦、無語問倉天既悲慼感覺。，但係起碼你仲有位細你十幾廿年，年輕貌美既驕妻未過期吖，係咪？有好多男人佢哋既老婆己經過哂期架啦，仲要繼續喊住嚟用呀陰功！

2009-03-26 09:35:29 補充：
其實你無耳性唔緊要，我教你一個辦法，不過唔知你怕唔怕痛。
下次如果你有乜嘢事情驚唔記得既話，你就叫你果位年輕貌美既太座大力d扭你耳仔，扭到兩個人既咀都歪埋一邊效果會比較好d。你就痛到個咀歪埋一邊，佢就因為太出力所以個咀歪埋一邊。盡量扭多幾吓，咁你就會記得d嘢架啦，唔信試吓。

2009-03-26 09:35:45 補充：
我有位朋友，佢老婆不幸成為屯門色魔案既其中一個遇害死者，後來佢信咗耶穌，心境先至平和番，佢仲帶我返教會添。得閒我帶你去聽吓佢做見證，然後你再返屋企對住自己個青春老婆傻笑一分鐘，保證你會馬上覺得自己實在係浸淫喺幸福之中。

2009-03-26 09:36:06 補充：
你再睇吓有好多學生哥學生妹，只係讀咗果三幾年書就嗌受唔住壓力，有d就跳樓，有d就精神失常。你讀電讀咗二十年都冇事，冇癲冇跳樓。咁多嘢過期導致唔見咗錢都冇事，冇癲冇跳樓，你話你幾咁幸福。

2009-03-26 09:36:31 補充：
本來你唔重複打兩段內容相同既嘢我係唔會覺得你長氣，雖然個"地"字同個"啲"字唔同，但感覺都係長氣。

2009-03-26 09:37:02 補充：
我相信你一定知道以前d晶體管收音機有條孭帶俾人孭出街嚟威，點解而家d收音機冇孭帶？因為而家孭部收音機出街不但唔威仲會俾人笑！清朝d男人留辮點解你唔留辮？三四十年前仲有好多男人著唐裝衫褲，點解你唔著唐裝衫褲要著西裝？變幻才是永恆吖嘛，歌都有得唱啦。喺時代巨輪翻滾轉動既過程之中當然景況會唔一樣啦。

2009-03-26 09:37:27 補充：
我買咗d基金而家縮咗水一大半，上天注定我係冇錢既人，冇計。
不過，錢，人一日未死一日都仲有機會揾，啱唔啱？

2009-03-29 23:34:44 補充：
男人越老越可愛。
你果D過咗期既錢千祈唔好掉咗佢，我舊年揸住十幾廿張196X年左右，好大張，已經唔通行既十蚊紙人民幣番內地用，點知每張可以當百幾蚊人民幣嚟使，超意外既驚喜！

2009-04-01 08:19:41 補充：
如果係膝蓋骨與骨之間的軟骨磨蝕咗，唯一既辦法就係頻密d同老婆講:「老婆，我愛你」，然後叫老婆出去做嘢，自己留喺屋企休養吓，唔好行咁多。如果老婆太聰明，點氹都唔肯出去做嘢，你就要為將來稔定後路，睇過將來有乜嘢工係「他條」d唔使點行，或者留喺屋企都可以做。我相信你呢d百足咁多爪既人一定有計，所以我從來都冇為你擔心過。

錢放係銀行幾年後唔會過期,袋内有好多錢唔用唔會過期,只是會...