請問帶氧運動(如跑步,游泳)可以練肌肉嗎

如果你目標係增肌，始終都係做 gym 最有效同直接，不過既然你唔喜歡亦無辦法。

只做帶氧又想增肌的話，我建議你游水，因為呢個係好全面的運動，鍛鍊徙全身上下，而且都能夠練點線條。

不過老老實實，靠游水或其他帶氧運動，只能練點線條，個人橫 D 有點 shape，不可能變成肌肉型的，呢點你要明白。

至於游乜野式都無乜所謂，最緊要係你喜歡同擅長! 當然，嚴格細分的話，蝶式最有效，自由式次之，蛙式又次之.....

不過都係個句：你自己喜歡就得，反正無論乜野式，個增肌效果都不強。

想針對腿部和臀部的話，比較簡單而且安全的練習有鴨仔跳，向上跑樓梯等，已經可以增強臀部和雙腿。

至於在家裡的鍛鍊有以下的運動：

1. 踎低起身：好簡單，踎低後再起身，動作要慢，唔好急，能夠強化大腿和臀部肌肉。隔天做，每次分開三組，每組 20 - 25 下，能夠做得到的話可以增加下數，每組之間休息 2 分鐘。

2. 踏步：搵一張穩固的矮凳，然後不停地踩上踩落 (慢慢地，向前踏上，向後踏落)，亦係每星期 3 次，每次 30 分鐘或以上。

3. 跳繩：在家中跳繩的話，就唔需要穿鞋了，免得噪住樓下。不過最有舖個軟墊，或最起碼舖條厚毛巾，可減輕雙腿承受的震盪。

以上運動能夠一次過鍛鍊臀部和腿部，也能強心肺機能，一舉三得。

運動後記得要補充營養呢! 必須多食碳水化合物和合蛋白質，呢兩樣野都對強化身體都非常重要。

蛋白質：肉，魚，奶，蛋
碳水化合物：飯，麵，麵包

別忘記充足休息呢! 每天最 8 小時睡眠，而且定時上床/起床，否則無論你點練，營養幾充足，肌肉都不會增加了。


我在另一條問題也列出了自己的增肌心得，有興趣可以去睇睇：
http://hk.knowledge.yahoo.com/question/question?qid=7008100501355

可以練肌肉架


run/sit-up/swim......