DC,prosumer,DSLR

高水準DC其實同Prosumer DC本身係冇一個好明顯介定的,不過一般人習慣叫設備同功能較齊備既DC做Prosumer DC吧.
Prosumer DC其實只係一部功能比較全面的DC,外型可能好大部,但其實影像核心的感光完件往往跟全自動DC沒有兩樣,DSLR比起Prosumer DC或高水準DC有以下優點.
影像層次比較
Prosumer DC或高水準DC層次也不弱,只是味精太重,色彩太濃,反差太強,一望就知係數碼機影
DSLR層次相對較好,顏色睇到有深有淺,亮度有光有暗,唔會變晒一達,望上去較自然,執相空間較大,可以加到好重味精又得
景深不同
Prosumer DC或高水準DC感光完件細,除咗影微距,好難影到前清後矇的效果,所以好多買咗Prosumer DC既人成日問點影淺景深.DSLR景深比Prosumer DC或高水準DC淺得多,容易做到前清後矇效果,要前清後清又可以縮光圈影,雖然冇DC咁方便,但彈性較大.配件應用
Prosumer DC配件雖然也不小,但和DSLR仍有段距離
高水準DC通常就冇得點加配件,例如閃光燈,附加鏡都冇預你加.
DSLR就多好多,例如不同焦距的鏡頭,閃光燈等,有啲相冇呢啲配件係影唔到的
相機的反應
Prosumer DC或高水準DC的對焦速度及快門時滯較差,對一些動態題材較弱
DSLR對焦快,快門時滯短,較容補祝一瞬間事物
高iso訊噪比較
Prosumer DC或高水準DC絶對唔係DSLR嗰皮,DSLR的iso 400,甚至iso 800,雜訊大約只等於DC的iso 100左右,對於一些低光題材,DC往往朿手無策,DSLR就可以用較高感光度去刻服,雖然越來越多DC標榜自己有幾高iso,但雜訊多到嚇死人,只可以算是噱頭.
所以如果你淨係比較兩張sample相,可能會覺得差唔多,例如環境光線好理想,大家都用低iso影,又或者係一啲靜態題材,DC可以慢慢對焦咁其實DC啲相都可以好靚的.
DSLR除咗影像質素外,最重要係對瞬間的把握能力,有啲題除咗分靚唔靚之外,仲分影到定影唔到
至於有甚麼題材係有光圈或快門先決先影到,例如想影夜晚車頭燈軌跡或者絲一般的流水等,一般DC唔識得用慢快門影,要依靠場景模式,如果場景模式冇就影唔到,就算有都未必係你想要嗰個速度.
又例如要收光圈影星形光點效果,一般DC又係只會下下用大光圈.冇場景模式就唔識影.有都未必係你想要的效果,可能一係最細光圈,一係最大光圈,控制唔夠.
Prosumer DC雖然有得比你較,但係佢對焦差同高iso雜訊多,有時較到佢都做唔到.




2009-03-18 17:35:19 補充：
慢快門既話Prosumer都做到既,效果都明顯.快就唔及DSLR.不過入門級DSLR支套裝鏡都係焦距短,光圈細.一定程度限制咗題部機既性能,只適合影一般題材,要增加性能要買大光圈鏡頭長焦距等價錢就會不菲.

2009-03-18 18:45:31 補充：
這是一個經常會遇到的問題.怎樣用有限的金錢去買到最好既器材.講咗DSLR咁多優點,不如都講下佢既缺點.入門級DSLR看來跟Prosumer價錢差不了多小,但入門級同中階,高階價錢差咁遠一定係好多嘢被封印咗,等你唔夠用時俾錢買.最低限度冇得拍片,冇內置微距,焦距短,對焦系統普通,連拍慢等.你要改善晒佢就要俾錢買鏡頭買好啲既機身.
我仍然會推薦DSLR,因為影像質素同操控呢方面Prosumer點加配件都冇用.雖然入門機及鏡頭題材會較窄,但我覺得比起Prosumer周身刀,冇張利會較好.