解僱通知期內又話請番我,可以不接受而攞到遣散費?

你公司真係奇怪既，解僱就係解僱，邊有得咁樣出左信又話請番，唔做就當自己走架，咁即係擺明唔想比遺散費姐
佢係可以搵到其他職位比你既，就應該係出信之前諗清楚先架，出左信先話搵到位比你，萬一果個位唔鐘意做咪即係迫你走
我覺得佢地既手法好有問題，縱使你有冇權接受同會唔會得到遣散費都好，都應該去勞資關係科落定案先。萬一你真係唔做佢又唔比遣散費你既，都即刻有人幫你丫嘛

僱傭條例有關遣散費的規定內有一點較為特別，就是你現在的情況，因法例註明：若僱主在合約終止日或合約期限屆滿日之前不少於7天，以書面要求僱員續訂合約或以新合約重新聘用，而僱員不合理地拒絕該項要求，則僱員無權獲得遣散費。
當然續訂合約或以新合約重新聘用的僱傭條件不能較前合約差。
故在你的情況內，最主要的是，有否給與足夠七天的書面通知。
若沒有，你便可跟據法例要求公司給與遣散費；
若有，便繼續工作吧！
請參考：
http://www.labour.gov.hk/public/pdf/wcp/ConciseGuide/10.pdf

因不慎在回答時刪除了答案，又不能重新回答，只好在意見這裏給你回答。