有關漱口水問題

其實漱口水唔係日日用, 只不過係啲生產商嘅推誚手法; 叫人日日用, 一日用幾次. 通常如果一個人飲食健康; 係唔會有嚴重口臭現象, 可能有一次半次食咗蔥蒜之類需要用漱口水減少口氣.
要知道漱口水主要成分係酒精, 作用係將口內細菌殺死, 因為當細菌在口腔繁殖嘅時候會產生酵素; 導致口氣過大現象. 好可惜口腔亦有啲係健康嘅酵素幫助消化食物, 當用漱口水嘅時候, 好壞酵素全部殺死, 係好定唔好就見人見智, 所以漱口水唔係長期駛用. 有見過醫學報告話; 長期駛用漱口水會致癌, 但呢類報告都唔可以盡信, 但無可否認; 強烈酒精會對口腔有一定程度嘅傷害.
其實要保持口腔清潔, 口氣清新係唔需要靠乜嘢漱口水. 最簡單方法係保持飲食健康, 每次食完嘢之後用清水漱口, 最好就用埋牙線清理牙齒. 因每次食完嘢之後都會有剩餘食物留喺牙縫中間, 如果唔即是清理, 呢類殘餘食物就會响口腔腐壞做成口臭.

2009-03-17 22:15:25 補充：
明白. 你嘅原因係為咗牙石. 咁我又有一大段古話比你聽.
想清除牙石其實只有一個方法, 就係搵牙醫徹底清潔. 你話睇完牙醫洗牙石一年之後又有牙石, 咁好正常. 因為牙石係長年積累而成, 唯一可以減慢積累就係刷牙時比多少少耐性, 唔好刷三幾秒就算數. 我記得牙醫同我講過, 刷牙起碼都要三分鐘, 仲要慢慢柔柔咁刷, 唔好打撗用力咁刷; 貪快, 尤其係牙齒同牙肉連接地; 即係牙石積聚嘅地方. 大力刷牙會傷害法廊質, 我以前就係咁刷, 而家牙齒已經薄哂, 成日覺得牙軟, 千其唔好學我. 牙擦毛要軟, 刷嘅時間要耐.

2009-03-17 22:15:47 補充：
除咗刷牙之外你可以用坊間傳聞嘅所謂去牙石嘅漱口水, 但我覺得唔實際. 或者用樓吓朋友提議嘅waterpike. 兩者我都用過, 但發覺最基本嘅方法最有效; 就係刷牙, 正確嘅方法刷牙.

其實講牙齒健康, 你都應該起碼無年睇牙醫, 洗牙及由醫生check吓有冇壞牙情況. 我在外國生活, 通常每四至六個月洗牙一次及檢查. 明白香港人對牙齒健康唔著重, 但為咗自己著想; 應該做定期牙齒清潔, 乜嘢漱口水之類只不過係懶人諗出嚟嘅方法.

另外一個方法就係咬香口膠, 有幫助清潔牙齒. 但我唔太喜歡呢個方法, 因為我自己有定期洗牙再加埋耐心擦牙, 覺得已經足夠.