改善飲食習慣

你唔好介意我講得直接，睇完你的問題，我的感覺是：你太不自愛了！


<放學後，都會食一個杯面。呢個習慣究竟系好定唔好？>

唔好！因為杯麵營養價值不高（只提供碳水化合物和脂肪），卻很多防腐劑和其他化解野，而且鹽分過高，偶一為之無問題，日日食則對身體不好！

想食下午茶無問題（尤其你發育中有過輕），最好係揀有營養的，例如：麵包，三文治，雞脾，沙律等等。


＜我高度：150幾cm　體重：30幾kg＞

３０幾ｋｇ即係幾多ｋｇ？不過假設係３５ｋｇ的話，你的ｂｍｉ等於：

35 / (1.5 x 1.5) = 15

屬於過輕了！如果是男性，最小應該有１９，女性也不應低於１７。你只有１５，代表你過瘦了，營養不良，加上你重響發育期，對你長遠發育和健康都有害的！


＜應該點樣改善我既飲食習慣？ ＞
＜早上，因時間關係，食好少野。＞

太糟了！無論你是否發育中，都必須食早餐的！

你諗下，你晚上８點開始食晚餐，假設你９點食完，到第二日中午至再食野，中間有成１５－１６個小時無進食，完全無吸收營養，你自己話咁樣得唔得喇？

早上再匆忙，點都夠你買份三文治卦？最好係有蛋白質的，例如腿蛋，吞拿魚等等。


＜中午，學校D飯好難食。＞

咁即係有無食唔飯呢？如果有就無問題。

如果無，或食得少的話，問題就大了。我知學校午餐都唔荒好食，但係其他同學咪一樣照食？

如果你真係接受唔到，咁你可以考慮自己帶飯，例如留起每晚食剩的飯菜，做為第二日的午餐。

再唔係，可以試下帶ｄ調味品返學，點綴下ｄ學校飯菜。

總之，你要使用任何手段去逼自己食午飯！

整體而言，一定要吸收多點碳水化合物 (飯，麵，麵包) 及蛋白質 (蛋，肉，魚，奶)。前者提供能量，後者幫整體健康和發育，缺一不可，否則會無精神，影響發育，老了更可能會骨質疏鬆，況且無人希望連該大的地方都變小吧？

也別忘了蔬菜水果，對健康，腸胃吸收力等都好重要的，最好係每餐都有個飯後果。

除此之外，做運動能有效提升食慾的，而且幫你增強體能，幫助發育，增重，改善健康和外型，一舉多得，強烈建議你要做運動！

亦唔需要做得好劇烈或玩得叻，好簡單的跑下，游水，打波就得，輕鬆地做，每星期 3 次，每次 30 分鐘或以上。

在家裡也能做運動的：

１。掌上壓（如你是女孩就不必）

２。跳繩：在家中跳繩的話，就唔需要穿鞋了，免得噪住樓下。不過最有舖個軟墊，或最起碼舖條厚毛巾，可減輕雙腿承受的震盪。

３。搵一張穩固的矮凳，然後不停地踩上踩落 (慢慢地，向前踏上，向後踏落)，亦係每星期 3 次，每次 30 分鐘或以上。

亦建議你請教學校的體育科老師，我相信他們也能夠針對你的問題，建議你做合適的運動。

順便同你分享一下我的心得，因為我都係天生瘦仔，靠健身和營養來增肌的，假如你是女生也一樣岩睇的（因為只係一般性的增重和健康心得）：

１。做運動。最好做一些心肺機能的鍛鍊，幫自己的身體打基礎。我係健身前就連續１年努力游水，提升了心肺功能，才開始健身的。而且無論你玩任何運動，或者只單純追求健康都好，都必須有良好的心肺機能作後盾。

２。充足營養。這點是很明顯吧，但天生瘦的人如何提升營養吸收呢？有幾個要訣的：

－　少食多餐，即係每餐唔需要勉強食好多，但係要分多幾餐來食，例如每天加多個下午茶（三文治）同食宵夜（例如一個麵）；

－　多食蔬菜，蔬菜同水果對腸胃吸收好大幫助的。建議每日最少食一個橙或蘋果，食夠兩個更好；

－　多食碳水化合物和合蛋白質，呢量樣野都增重同增肌都非常重要。碳水化合物合提供能量，而蛋白質係製造肌欲的重要成份；

－　少食油膩，好多人都會誤會，以為瘦人要食多點脂肪。其實剛好相反，瘦人多半都係腸胃吸收力低，而大量進食脂肪會加重腸胃負擔，結果令吸收力更差！唔係叫你唔食油，不過要少食，清清地就可以了。

３。充足睡眠。呢點好多人會忽略。唔少香港人都自以為係鐵打，唔重視睡眠，甚至視睡眠為浪費時間。其實呢個係大錯得錯，一來睡眠不足會影響健康，更重要的是，睡眠不足直接影響增肌和增重的！一般要增重的話，每天要睡眠８小時，而專業的健身人士睡眠時間甚至達９至１０小時的！

４。放鬆自己。唔少瘦人（包括我）都係容易緊張，甚至帶點神經質的。所謂心廣體胖，要心情舒暢，懂得放鬆自己，才會長肉的。我自己情緒緊張的時期，真係連個人都瘦Ｄ。

詳細均衡飲食資訊可參考衛生署的<食物金字塔>：
http://2plus3.cheu.gov.hk/html/b5/index.asp?fname=index.aspx

衛生署的運動介紹：
http://www.cheu.gov.hk/b5/info/exercise_02.htm