女士們請進(比多d意見我 , 我真係好迷茫)

佢會唔會真係怕醜咋, 太驚都唔夠膽望住對方架喎, 如果佢之前已經向你say yes, 無理由又想反悔呀, 你試下好突登咁"寧"個頭果個望實佢, 睇下佢咩反應, 如果佢好誇張地"寧"去第2面既, 我諗你都唔好放太多心機係呢個女仔度啦, 但如果佢會好嗲咁問番你, "做咩喎?"即係都係怕醜o者.

順其自然...為何要這麼介意, 當朋友都得啩

其實我覺得你要對自己有d自信心囉 ..
你女朋友應該只係怕醜
反而你一味亂咁諗
仲要愈諗愈灰就唔好
放鬆d
主動問下佢先喇 !

=.="你又知佢無望過你~
你牛甘眼一路行一路望住佢, 係女仔都怕, 唔望你啦
(=.="同女仔係中意偷偷地望一個唔太熟但又中意既男仔)

如果佢係你送到佢返屋企, 要講bye bye時死都唔肯望你,
可能係怕羞, 又可能係怕監介, 又可能唔想你走(唔想望住你走)

or你可以係佢望反方向時, 係另一邊出黎, 扮同佢玩, or扮個鬼臉, 睇下化唔化解到個監介

ps:女仔係好中意比男仔送到返屋企的, 因為女仔好討厭係中途比人丟低既感覺,
如果你真係好忙送唔到佢返屋企, 請比佢知道你係幾想送佢返屋企, 但真係做唔到~

我自己都是女的，之前同我拍拖的男仔都會這樣，我覺得有時應該俾對方一D自由，唔係下下都要睇實佢，我相信你女友都係想俾D自由你，費事你話佢管住你所有事。
或者是你最近激嬲佢呢！女仔就最like人地哄她，你可以試下哄她開心，或者買D她like的東西送俾佢，俾個驚喜佢，有時女仔會話以後唔理你......等等的話，但是其實佢都係想你緊佢罷了。做男仔當然要就下女仔，有時可能佢會發D小姐脾氣，但是你都不要放在心中，要就下她！她有say yes就當然是因為她都like你，俾D時間她。

你咁樣有D偏向想逃避 ,我經常會預到... 但如果一逃避, 若個個人係你愛既話 ,你會後悔架..
因人而異 ,佢唔會望你 ,多數係怕羞
如果係因為覺得你樣衰或憎你 ,就唔會送你番屋企 ,主動撩計傾吧~
不過最好當然問佢覺得你點 ,睇佢點答啦...
做唔到情人做朋友也不錯...

其實，我ｂｆ同我拍拖之前，佢係唔敢望住我既．佢只會望住其他朋友，當時佢從來冇同我有過眼神接觸，回避等．我同佢一齊之后，問番佢點解當時做咩唔望住我講野，原來佢係怕醜而唔敢望住我．
但你ｅ＋同個女仔出行，有冇拖手？當坐底食飯既時候，咪溫柔ｄ問下佢囉，”點解你頭先都冇望過我既，你係咪唔開心？”你再同佢講番，”你知唔知其實我好鐘意望住你，因為我好鐘意你”，睇下佢咩反應先！！
佢笑既面紅既有反應既，咪冇野囉～只可能佢係怕醜唔識表達自己啫．
但相反地，佢冇乜反應既話，你又諗清楚佢係咪鈡意你喇！