倉鼠既問題(阿杰求下你快d入妮幫下我手…)

你好,唔洗求我,大家交流知識,講鼠係我既嗜好,唔好太客氣^^A.因為唔了解你爸爸既情況,實在唔知道佢既病係咪同倉鼠有關,如果真係倉鼠令佢唔舒服,我都唔建議強行去養,始終家人既健康比養寵物緊要得多
雖然鼠好少病會傳人,而鼠都唔係特別令人過敏既野,但有D人係特別地對鼠敏感,咁就真係唔可以養如果懷疑你爸爸既事唔係關隻鼠事,可考慮直接同你爸爸相量,佢同意既話可以試下帶佢去鼠店睇下,接觸一下鼠鼠,試多D真係冇事先再相量係咪再養會好D,又或真係問返醫生之前既重病係由咩引起,不過相信身體未必會冇事都會肯去問醫生
家人真係對倉鼠極抗拒又同健康有關,其實真係好難說服得到佢地既,我覺得必須十分肯家鼠對你爸爸係冇影響先好,有咩事你都會唔安落吧

假設肯定到對健康冇影響都唔俾你養既話,可以同家人講你會照顧好鼠鼠,會打理鼠鼠,唔會好臭都唔洗籠,唔會三分鐘熱度,照顧寵物可以培養責任心;同時表明就算鼠鼠生病都唔會唔理鼠鼠,鼠鼠睇一次醫生唔平,所以會為鼠鼠既生活同醫療做好準備,為鼠鼠儲錢,咁就可以培養儲蓄呢個習慣
我鼻敏感皮膚敏感,養鼠都係有D問題,但就不至於令我有重病,加上我家人好怕鼠,好怕臭,最初承諾晒呢D野,加上肯做好多家務先俾我養

唔養得都可以養返龜之類,我都好喜歡龜,但冇研究亦唔掂

B.病就好少會由倉鼠傳人,主要得一隻沙門氏菌係有可能,不過多數對都冇咩殺傷力
有沙門氏菌就會肚瀉,鼠鼠幾日內就會死,但唔係次次肚瀉都會係沙門氏菌,唔放心既話,鼠鼠有類似情況而死,可以拎去俾獸醫睇下
生雞蛋入面就有好多沙門氏菌,對鼠鼠唻講係好易致命,但對人就可能只係肚瀉,所以都唔洗太過驚既
以前倉鼠係貴族養既寵物,可想而知其實都十分安全既

除左疾病傳人既問題之外,倉鼠有機會令人有既不適及預備方法:
1)感敏
如果本身係對倉鼠感敏,接觸倉鼠就會感到唔舒服
會點唔舒服就要睇有幾敏感,好多年前都有人因被咬而暈,但証實係該人對鼠有嚴重敏感
我本身對鼠都有敏感,接觸到鼠同鼠既野手腳都會好痕,同時我都有鼻敏感,但對鼠唻講,鼻就冇問題,每次敏感之後,沖涼or搽野,過一段時間我就會冇事
了解自己對鼠有冇or有幾敏感可以問返睇開既醫生檢查下,都可以試下接觸睇下有冇事,當然有咩事要睇醫生啦

-敏感除左避開敏感源之外,其實好難避免,養唔養得就視乎接觸鼠時有幾大反應再自行衡量

2)一般細菌
每樣野都會有細菌,但倉鼠並冇嚴重傳染病,除非你對倉鼠係敏感,如果唔係,倉鼠處理得好係唔會令人唔舒服既.處理得唔好就好似食野唔洗手,有傷口又唔理,咁就唔理係咪倉鼠,都好易令人唔舒服.
以前倉鼠係貴族既寵物,可想而知,倉鼠都真係幾安全

-任何情況下,食野之前,都要用徹底洗乾淨雙手
-被鼠咬到時,要消毒,之後再貼膠布

C.用口罩會唔會冇事就難講,始終唔了解你爸爸既問題
以我自己為例,皮膚敏感帶口罩完全冇用,鼻敏感對會好少少,但都一樣會有問題


另外,順帶一提,我冇睇開"畢打自己人",早幾日偶然睇到影住隻鼠,唔知係該鏡頭係咁定一向係咁,見到籠既地板有隙,墊材用紙條易介傷鼠鼠,水樽又冇入水,有機會養既話都唔好學佢

2009-03-15 16:42:37 補充：
好似樓上網友講既咁,唔養得上網養都係一個唔錯既選擇,不過較少見到有虛擬倉鼠養

你可以在網上養寵物，好好玩