其實幾時先至要比BB食開奶茶呀?

開奶茶最好等到BB6個月大先好用，因為到時佢地開始食固體食物，吸收到多種唔同既物質，果時對腸胃冇咁大影響。有D老人家會係BB3個月既時候已經開黎比佢飲，若果BB係冇問題既都可以繼續飲既，不過就真係建議大小小先好開始飲
開奶茶最好就係係藥房買料番屋企自己煲，一來經濟實惠，二來亦健康D。街買到既開奶茶沖劑一般會比自己煲既貴D，不過就真係方便好多，若果真係煲唔到既，買黎沖水開奶都冇問題，不過就要小心沖劑一般都會比較甜
我個仔而家就黎三歲，兩歲半之前都係用煲既開奶茶，到兩歲半之後就用沖劑，因為甜甜地，所以就算開水就咁飲佢都肯飲。每次食左D比較熱氣既食物沖一杯黎飲。佢飲開衍生，呢隻算係新牌子，但功效都幾好
珍珠末/粉、猴棗散同保嬰丹都唔一定要比BB食既
珍珠末/粉 同 保嬰丹都有定驚作用，多數小朋友被嚇親、半夜冇拉拉喊，都可以食呢兩隻黎定驚。而保嬰丹亦有小許清熱既功效
猴棗散就有化痰作用，有時BB岩岩起傷風感冒，有兩聲咳同有D痰，唔想睇醫生既都可以服食猴棗散。不過因為佢係中藥，所以唔係食一兩次就會好，一定要連續食幾日先會好
基本上呢三隻都有藥用性質，所以盡可能都唔好比BB食咁多，否則有需要用既時候，藥力就會減低，冇咁見效架喇

無事就唔駛飲啦

3日無呵便便, 先要飲開奶茶

bb訓教時候, 哭咸驚先比珍珠粉、保嬰丹, 珍珠粉就無味好吃一些, 保嬰丹就難吃d

猴X散就係有炎先吃, 可止發燒

咁細個唔好比咁多藥佢吃, 有需要先吃,