如何解決過度緊張？ - Ans.fyi 參考答案

如何解決過度緊張？

[匿名]

2009-03-12 9:17 pm

我有個毛病希望有朋友可以幫個忙.....接觸陌生人就會好緊張，即使本來好熟識o既o野，一對住陌生人就唔記得哂，之前考車牌考o左9次，唔係因為唔識，反而條路仲熟都爛添，連師父都話都唔知我驚乜，明明揸得好好，但係一考試就唔知自己做乜，總知考試前幾日就已經開始驚，考官一上車....個人就唔知做乜，腦袋一片空白，師父連鎮靜葯都比我食過，都係唔得，最後.....連幾時考試，師父都唔話我知（師父幫我排期），到考當日操完車佢先話我知一陣間要考試，好彩終於考倒。本來以為自己對考試有恐懼症，原來唔止.....近日轉做銷售員，本人已對產品相當熟識，但係一對住陌生人.....個腦就一片空白，完全講唔倒要講o既o野，總知就好緊張，有冇朋友有咁o既經驗，可以幫o下我呀？再咁落去連份工都無埋，希望大家可以幫個忙....感激萬分！！

回答 (1)

Dorcas

2009-03-14 1:41 am

✔ 最佳答案

有可能是焦慮症的症狀, 你可以試下以下的認知治療課程, 只用心理治療不用服藥, 而小組是由香港大學的專業註冊社工帶領, 會教導一些方法去處理情緒問題.

此間中心經常會開辦「焦慮症或者抑鬱症認知治療小組」

申請人必須經過一次輔導前面談，以確定申請人可受惠於此服務。報名及查詢，歡迎致電： 2859-2096
。報名表格請登入本中心網址：http://ccbt.sw.hku.hk/guide_serv.html

其實你可以打左去問問這個中心的服務先, 因為他們會接見你一次, 那麼你再問問他們應該怎麼做都未遲, 而且這次接見是免費的.
不過價錢都算很平, 500元就可以上10堂.

👍 0 👎 0