澳門二天遊

澳門兩日一夜
第一日行程
早上抵達澳門後， 可以在碼頭搭新福利3號， 3號A巴士或澳巴10號線去議事亭前地， 然後步行前往大三巴牌坊， 再行上少少就會見到澳門大炮台及澳門博物館(博物館逢星期一休館)， 之後可以在大三巴再步行5分鐘去聖安多尼教堂及白鴿巢公園 (落完大三巴前面的樓梯， 面向大三巴牌坊時， 左手面有一條路仔， 沿路仔行5分鐘便到聖安多尼教堂及白鴿巢公園， 果條路仔有好多古董賣的)。
中午可以在議事亭前地中央郵局附近的黃枝記食LUNCH， 主要係食中式粥類及粉麵.。 下午可以到福隆新街睇下一些特色的街道(福隆新街在議事亭中央郵局對面的澳門民政總署旁邊的橫街入去， 整條街的門窗都係油上紅色的油漆)， 然後在新馬路搭澳巴10號線， 在總站落車便到達媽閣廟及海事博物館。 之後可以去附近的主教山小堂， 傍晚可以去位於新口岸的觀音像及宋玉生公園參觀。

第二日行程
早上可以去盧廉若公園及二龍喉公園舒展一下筋骨， 二龍喉公園係有纜車上松山燈塔的， 燈塔旁邊有一間聖母雪地殿聖堂， 始建於1626年。 之後可以搭車前往氹仔，你可以在氹仔的益隆炮竹廠下車， 到龍環葡韻睇萄國的特色住宅 (此處是澳門八景之一) ， 整座building富有萄國的色彩以及用粉綠&白色為主色， 如果想入埋屋睇的話， 最好是在星期日及5時前去到， 因為在出面睇座building係唔駛錢， 入屋參觀要比入場費， 而星期日入屋參觀是免費的。
中午由官也街行大約10分鐘便可以去到富有中國色彩的花城公園遊覽及食中午飯， 然後去四面佛。 之後去返官也街買手信， 亦都可以去官也街9號A的莫義記品嚐特色的三色大菜榚， 如果沒有記錯的話， 應該6-7元就有交易 (營業時間至晚上七時半)。 晚上可以去附近的熊貓餐廳食地道的萄國菜。
回程船之前的一站，最好不過就是漁人碼頭 ，因為位置就在澳門碼頭的右手邊，只需步行 10-15鐘

記得一出碼頭外到出境閘口外的澳門旅遊局取張澳門地圖指南 (免費的)

**希望幫到你**

我想問吓,你買套票要幾多錢呀?

謝謝

Check-in後, 叫酒店包兩架的士還島遊,吃喝玩樂任君選擇, 但記緊要先問清楚價錢!