中五學歷可以點?

大家好....呢個問題我放左o係心好耐....
一直都諗唔到個好答案...
希望大家可以比d意見....

小弟今年剛剛19歲
我條路都幾曲折..
中三比人踢左出校
之後去左第2間學校讀中四
點知間學校中四教埋d中一二o既野
同埋好多問題,
所以讀左半年就冇讀落去
之後返過下工
咁第2年開始
我又去搵番間夜校讀番中三
完成左之後就諗住去搵番日校讀中四之後中五之後會考啦,
點知去左間學校報中四佢話我年紀大...(17-8歲)之後佢叫我報佢地個小毅進課程,咁仲好啦,慳番一年,咁之後我拎左十科合格,咁而家就叫做有中五會考五科合格o既學歷啦
就o係岩岩2008年6月畢業,畢業左我就報左ive的高級文憑,但讀到10-11月左右我已經唔想讀...一來自己唔想讀...二來d英文真係好深跟唔上...不過唔想讀係最大問題....

咁我可以點....
我知道我要盡快搵到工
屋企財政上已經唔係咁得
我爸今年63了...媽媽都5x...冇做野的...只靠我爸..
兩個家姐自己搞掂自己都偷笑...沒有寄望...
我想搵一份有技術o既工作,係可以一路學,一路有糧出
同埋有前途的...姐係可能做幾年會去到d咩位..有番10k以上人工...可以養到屋企...
而家叫我返d幾千蚊o既工係冇問題...但我唔可以做一世...幾千蚊個月真係冇可能支撐到一個家庭....
你地有d咩意見可以比到我呢..?同埋有咩途徑?我唔想再讀書.....SO唔好叫我進修.....
拜託...拜託....

P.S.我都有諗過我有咩興趣...但諗左幾年都諗唔到...可能我係個怪人...我淨係鍾意去機鋪打機....但叫我選一個行業...我諗電子果D可能會有D興趣....但我上網睇到機電工程署遲D會請人...佢要求中五學歷我有...但同時都仲要有職訓或者唔知咩文憑...所以我而家唔知點算...大家有冇D可以學電子邊學邊做o既途徑....?

萬二分感謝!!!!!!唔該晒!!!!!