係醫院做物理治療時受傷 算吾算係疏忽??

你都知要憑疏忽 (negligence)去追討賠償
如果打官司，能否勝訴，好大程度就係睇係醫院做緊物理治療時，醫生有否作出唔合理既行為，有否疏忽。如果醫生、醫院都無錯，佢地就無法律責任，因為疏忽係建基於犯錯 (fault-based)

要構成疏忽，原告需要證明：
1. Duty of care: 被告有責任保障原告的安全或利益。如果原告受傷係可合理預見的 (reasonably foreseeable)，被告就有責任保障原告的安全或利益。

2. Breach of duty: 被告違反對原告的責任。如果被告所作所為違反一個合理既人既標準 (fall below the standard of the resonable person)，就係違反對原告的責任。係依個情況，如果醫生既所作所為違反一個合理既醫生既標準，就係違反對原告的責任。例子：如果一個合理既醫生做緊物理治療時會扶實個病人，個醫生無扶到，就係違反責任。所以，要證明依點，就要搵出面一個醫生作證

3. Causation：原告的損失或受傷由被告引起

4. Remoteness of damage: 原告的損失程度係可合理預見的 (reasonably foreseeable)

要證明晒4點，先證明到被告有疏忽，咁樣被告先要負責
你俾d資料唔夠，我亦唔係醫生，唔知實際上醫生有冇疏忽。如果醫生冇疏忽，你朋友只可以話自己唔好彩，法律上佢唔會有任何賠償。

如果醫生有疏忽，但你朋友都有唔小心，咁所得賠償就會根據你朋友的疏忽程度而打折 (apportionment)

如果醫生疏忽成立，咁法庭就要計一下賠償金額
800萬似乎無咩可能.....除非你朋友月入數十萬，廿幾歲出頭，因件事完全失去工作能力，咁就有可能。
唔係佢啊媽叫間醫院倍幾多就幾多架

計賠償金額時，可將賠償分作3大類:
a. Special damages: 可審前已得的經濟損失，如所花醫藥費等
b. General damages：案件完結後的經濟損失，如將來醫藥費、將來的薪金損失、壽命減少等。計將來的薪金損失，要用到原告年齡、傷前收入和傷後收入計算。
c. Pain, suffering, Loss of Amenities (PSLA)：賠償原告所受痛苦和失去的人生樂趣。根據Leung On v Chan Pui Ki，如果輕度永久減少行動力，PSLA 可判 HK$400,000-$540,000；大幅永久減少行動力，如截肢，HK$540,000-$660,000；極嚴重失去行動力，差唔多唔可以動，HK$660,000-$1,000,000；植物人或嚴重弱智，>HK$1,000,000。你朋友最多係大幅永久減少行動力

3者加埋就係賠償總額

如果有保險，法庭頒下既賠償會扣減保險賠償

所以賠償計算異常複雜，依d案建議塭律師處理

800萬真係遙不可及.....就算死左都賠唔到咁多

無錢可申請法援

除非佢係醫生律師建築師呢 d "師" 啦, 否則跌親又唔係殘廢, 邊有得陪$800萬咁多?!?