✔ 最佳答案
你無讀過會計, 咁點解你對會計有興趣? 你知唔知會計要讀乜? 知唔知讀完IVE會計前景如何? 知唔知會計工作環境係點? 你答晒我剛才三條問題, 再好好思考自己應否讀會計, 甚至從事會計行業. 如果你鐘意會計原因只係鐘意錢, 我勸你三思. 有d人起細會計師樓做十年, 10年都無$25K人工. 而且會計行業, 無好學歷都幾難撈.
IVE會計學乜可以上VTC個網睇. 雖然IVE無要求會考會計一定要合格, 但有會考會計底起初讀會比較著數. IVE會計收生成績亦唔低, 你想入就最好在會考考到最少10分或以上. 仲有, 讀會計要英文好, 香港所有會計準則都係用英文寫, 而且唔容易理解.
2009-03-14 15:14:03 補充:
我無讀過IVE, 但我以前暑假去會計師樓做, 其中一兩個員工係IVE學生/畢業生. IVE有D學生幾聰明同幾肯做野, 但有D性格真係唔係好得.
細會計師樓分工無咁明顯, 會幫埋個客做埋會計及秘書服務, 當然仲有核數服務. 會計服務係幫公司做財務報表. 如果個客無將交易入帳亦要幫佢入, 入完帳先整財務報表. 核數服務就係就每個財務報表item做schedule、抽sample、做testing去了解公司internal control及測試報表上某些事項, 亦要去個客公司做audit, 例如同管理層溝通、睇下公司internal control有無不足、睇下人地數錢及存貨等等.
2009-03-14 15:14:18 補充:
細會計師樓雖然多數會準時放工, 但人工就...請暑期工通常四千幾五千請一個, 長工可能貴D.
但一般情況下, 做財務報表是公司管理層的責任, 細會計師樓先會幫埋個客做, 中至大型通常唔會咁做, 因為有一種自己查自己做既野的感覺.
讀會計唔會用好多會考經濟的概念, 除非你要讀經濟科目.