因工受傷 (20點)

照情況睇你要等多兩三個月先知幾時判傷，如果單就骨科主診醫生出報告去勞工處，一個月左右就可以收到判傷通知，但係涉及精神科就比較麻煩，因為屯門醫院並冇精神科，要去對面果間青山醫院先有，等佢地出報告至少都要兩個月先得！
如果你係睇政府醫生嘅話，佢地一睇電腦就知你嘅情況，重點係你曾經嘗試復工，你可以話比醫生聽，復工後創傷情況有惡化，返咗兩三日之後隻腳(記憶中你係腳部受傷) 痛到夜晚瞓唔到，第二朝連行動都有障礙，通常醫生都會比幾日假你休息！
至於睇私家醫生，就唔使講咁多，你話比佢聽腳痛到行唔到返唔到工就得。
不過你要睇清楚假紙嘅內容，一定要係工傷的創傷部位嘅假紙先得，因為曾經見過有病假紙搞錯咗左右位置，或者連傷風感冒嘅病假都照交比勞工處，呢類病假勞工處係唔會登記入工傷病假內的！

如有任何相關疑難，可瀏覽本人對其他工傷個案的解答：
http://hk.knowledge.yahoo.com/my/my_answer?show=HA00528400
或直接網上來信查詢，能力範圍定必盡力解答！