我想入旅遊業,exp 櫃台, 領隊, 導遊.

1) 係幾錢人工?

櫃台一般都係6千~8千左右, 領隊同導遊底薪會低D多數2千~5千左右佣金另計.視乎出團數同經驗而定 , 同埋睇你帶咩團啦!

2) 前景又會係點呢?

我覺得前景一定有囉 , 就算經濟幾唔好都一定會有人去旅行 ,
只不過睇下係多人去定少人去0者!

3) and點入呢?

櫃台旅行社有請人, 你去見就得因為唔洗任何牌,一般要求中四學歷,最好識英文同普通話。

領隊方面你可以一問始申請做見習領隊, 因為你冇經驗同未有領隊牌, 一般旅行社教一D見習領隊去考牌, 英文同普通話流利會好好多, 如果識埋日文可以申請做日本團, 一開始就有領隊牌就最好啦。

「領隊證」的申請條件

年滿18歲；
香港永久性居民身份證，或持有香港居民身份證而不受居留條件限制；
持有「外遊領隊證書課程」的證書或合格成績通知書；
中五畢業或同等學歷或以上；
持有以下六個議會認可機構所發出的急救證書或急救聽講證書：香港紅十字會、香港聖約翰救傷隊、醫療輔助隊、香港拯溺總會、香港警察、香港消防處；或完成由議會舉辦的急救講座；
聲明身體健康和行為良好，適宜擔任領隊工作，並且沒有其他理由令議會認為申請人不適宜擔任領隊工作；以及
申報在香港或其他地區除交通違例以外的刑事紀錄。

外遊領隊證書課程

年滿17歲；以及
持有香港永久性居民身份證，或持有香港居民身份證而不受居留條件限制。
港幣1,250元 (已包括全部課程及考試費用)


而導遊的條件同領隊差唔多. 不過多數帶旅客係香港玩 , 外語要一定好流利 , 同要好熟路 , 兩個牌都有一 定難度 , 我覺得導遊牌會難D。

「導遊證」申請人須符合以下條件：

年滿18歲；
持有香港永久性居民身份證，或持有香港居民身份證而不受居留條件限制；
中五畢業或同等程度或以上(擁有一年或一年以上導遊經驗者可以申請豁免)；
持有議會認可的證書並通過相關考試；
持有以下六個議會認可機構所發出的急救證書或急救聽講證書：香港紅十字會、香港聖約翰救傷隊、醫療輔助隊、香港拯溺總會、香港警察、香港消防處；
聲明身體健康和行為良好，適宜擔任導遊工作，並且沒有其他理由令議會認為申請人不適宜擔任導遊工作；以及
申報在香港或其他地區除交通違例以外的刑事紀錄。

議會認可證書及相關考試有太多係度講唔哂, 你可以去香港旅遊業議會個網到睇WWW.TICHK.ORG.

當然一開始有哂兩個牌, 旅行社請的機會會大D , 有熟人介紹會仲好 , 希望以上資料幫到你啦 ^^

1) 係幾錢人工?
答 : 新入行, 要實習, 人工唔會太多, 約7000左右
2) 前景又會係點呢?
答 : 見識多啲, 這一個行業都係可以揾錢既, 但有好多時唔係好穩定。
3) and點入呢?
答 : 最好讀完有關課程才入行, 咁會易啲, 如果唔係, 你都可以揾吓呢方面既工, 睇吓有無人請。