同二哥哥同媽媽有少少意見不和

尋日同二哥哥同媽媽有少少意見不和

大致上都係因為大哥哥之前因為急用錢，而我將成副身家借晒俾佢，事隔兩年，雖然佢有還少部份給我，但係總係覺得佢個人無咩交戴，我唔係希望佢即刻可以還到俾我，而係希望佢講幾時還，俾人感覺上有種安心，我覺得我呢種要求唔算過份吧？

之後二哥哥話, 雖然我借佢數目唔少，但係兩兄妹就等下啦，自己又唔等住要，我聽到呢句說話就覺得好嬲，同大哥都係無責任感，無交戴

就好似屋企養隻狗，呢隻狗係二哥哥帶來，狗既起居飲食差唔多係我同阿媽照顧，初初養番來，飲食都係我買俾佢食，後來阿媽俾多少律貼我買狗糧。

而且我還自己買狗條俾佢食，一包狗條要百二蚊，百二蚊的零食我都唔捨得自己買來食，相反，二哥哥每逢放工都係咁餵俾佢食，佢女朋友又餵，一包狗條唔駛3個月，都俾佢餵晒（其實我買狗條目的有時食飯時候無骨食，都可以俾佢食，想俾佢開心d），即止媽媽同哥哥講叫佢唔好餵咁多俾佢食，佢都係照餵。

佢既行為令我最唔高興，佢講得無錯, 兩兄弟唔駛去計咁多野，但係我覺得唔駛完全唔理人，呢隻狗係哥哥帶來，我買十包狗糧佢買幾多包？狗狗皮膚有問題，佢有無行過狗店買藥膏俾佢？由頭到尾係我做

俾我感覺，佢帶隻狗返來係玩多過真係用個心黎照顧佢，阿媽就話我計較，我真係唔知道乜野係“唔計較”

有時係度諗，假如哥哥生左個仔，要阿媽幫佢照顧，照顧埋佢起居飲食，到時唔知道個仔應該叫邊個阿媽