倉鼠咬籠o既問題!!杰進

唔同意第二位網友jklo911既講法,做法比較危險,希望網友唔好意及可以留意一下:
1)千萬唔好用醋搽落籠度,一來鼠鼠咩都會舔,咁就會將醋食落肚,對鼠鼠唻講太刺激,咁係好危險;二來會咬既籠應該係鐵籠,鐵籠加醋好易會生銹
2)唔建議俾膠俾鼠磨牙,日常鼠鼠接接到膠都好易會咬,少量還可以,但慣左唻磨牙既話,除左籠內設施被破壞之外,鼠鼠仲好易會將大量膠食落肚

A.咬籠其實主要係因為鼠鼠牙痕,而緊張or感壓力都會,鼠鼠走失一小時後咬籠,應該係因逃走過而情緒緊張,而見佢咬籠再打開籠既門,鼠鼠再走,緊張既感覺就會更加重,令鼠鼠壓力更大;其實好多困籠既寵物都係,你一開門,佢就會走出唻,所以冇信心控制到鼠鼠既時候唔好咁做

解決咬籠之前先要處理鼠鼠緊張既情緒,鼠鼠受驚係好易會生病,唔好輕視問題,而家要好好留意以下幾點:
1)怕佢出去食左污糟野,所以呢幾日要特別留意下佢既身體及排泄物有冇異常,一發現有異常就要馬上處理
2)出面污糟都易令鼠鼠有皮膚病,同佢用沖涼粉整乾淨個身,密切留意有冇甩毛之類既問題,同埋要檢查下佢身體有冇受傷
3)放返佢入籠,放去佢平日訓覺既地方,除檢查身體外唔好攪佢,唔好嘈佢住,等佢冷靜d先啦,唔好嚇親佢
4)而家鼠鼠咁緊張,都唔好再放鼠鼠出唻
5)留意鼠鼠有冇飲食,有時鼠鼠受驚就唔食唔飲
6)如果有第隻鼠就要分籠,鼠鼠係獨居動物,有第隻鼠一齊都會更神經質,又易咬人,而且兩隻鼠仲好易會打交
7)到鼠鼠正常返d之後,再俾佢靜多兩日之後,可以試返呢個方法,慢慢同鼠鼠熟,唔好太心急,唔係反而對鼠鼠唔好:(耐左都同鼠鼠唔熟,都可以試下做)
a)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
b)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
c)再熟d再試下俾野佢食既摸下佢頭or身
d)佢都唔抗拒之後,可將食物放在手心,等佢行上唻食,慢慢佢會習慣左你既手
e)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱

B.鼠鼠定D之後都咬籠既話(有時鼠鼠咬開就會咬),就可以試下教鼠鼠唔好咬籠,又或見到鼠鼠咬得太犀利,令鼻下同咀下甩毛損or太嘈,都可以換過個籠
我習慣見到鼠鼠咬籠既時候就會叫佢,用d好似鬧佢既語氣叫佢,多數佢會停一停,之後又咬過,咁就再鬧,佢一唔咬既時候,我就俾野佢食,慢慢佢會明白,唔咬就有野食.我試過好多次都會學得識,當然可能係要試好多好多次,但都要記緊,要在鼠鼠情緒定晒先可以教,避免令鼠鼠更驚而生病

同時留意鼠鼠磨牙既情況,要俾磨牙石俾鼠鼠,,如果唔咬磨牙石,就可以買一d木制玩具俾佢咬,又或可以試下鹽磚or較硬既食物棒(一支木,外面有食物包住)俾鼠鼠咬
鼠鼠係一定一定要磨牙,用咩野俾鼠鼠磨牙都可以,但一定要夠硬,夠衛生,夠安全,唔會甩色,唔會有色素(好似黃色香蕉味之類)即係唔會整傷鼠鼠,唔會好尖,又唔會係膠,所以木制同專俾鼠鼠用既磨牙用品係最好既,比較安全
可以同時買2,3樣野俾鼠鼠咬,再間住咁俾鼠鼠,例如買左a,b,c 3樣,第一個星期俾a,第二個星期俾b,第3星期俾c,咁樣間住俾,咁鼠鼠咬既機會都大d,因為鼠鼠會貪新鮮,咬得多就會唔咬


2009-03-11 21:09:16 補充：
唔同意樓下網友ada_love520既講法,希望網友唔好介意及可以留意一下:
1)倉鼠係獨居動物,並唔會話自己一個就覺得悶,鼠同人係唔同既
2)發問者既鼠明顯已受驚,如果再不斷放鼠鼠出唻,好易令鼠鼠更緊張,除左咬籠問題好可能會更嚴重,更緊要既係受驚令鼠鼠生病
3)成日放鼠鼠1,2個鐘我覺得太耐,會令鼠鼠較累,放鼠出籠要留意既事及方法可參考:
http://hk.knowledge.yahoo.com/question?qid=7008031400344

咬籠係牙痕or緊張,希望網友可試下我之前講既B項改善咬籠問題,咬到鼻冇毛好易會損埋,再有細菌感染就會變成瘡,所以唔好輕視呢

2009-03-14 20:48:30 補充：
鼠鼠走過佬情緒會比較緊張,生活上同平日唔同都唔出奇,俾多D時間俾鼠鼠吧
而排泄物在訓覺既地方(廁所or窩都係)係好正常,因鼠鼠會用排泄物去表示該地係屬於佢,所以好多時都會在鼠鼠訓覺既地方排泄

2009-03-14 20:51:16 補充：
回應網友 cheung9999999999,
鼠鼠如果冇磨牙,d牙不斷生長,係會令牙過長而插穿鼠鼠而令鼠鼠死亡,而插穿鼠鼠之前會令鼠鼠食唔到野添,所以一定要俾鼠鼠磨牙,唔係真係好慘

我有3隻鼠鼠, 只有其中一隻會咬籠. 佢咬籠時我用牙刷有毛個邊輕輕打牠的嘴, 牠便不敢再咬了~

你隻倉鼠咬籠...你有冇買磨牙個D
不過如果你用膠尼............我有一次唔小心放了個膠袋in籠邊~~
佢(倉鼠)咬到開花~~好得人驚~~@.@我睇過本佢講如果唔放磨牙個D佢會死~~死得好慘~~€我唔識形容= =

其實倉鼠同人一樣係怕悶架~
你只要多d時不時放佢出黎等佢自己自由活動下應該會好好多，倉鼠如果係間屋入面鬱得太耐既話，佢會心情煩躁、唔開心&有可能會得抑鬱症。
你有時可以放佢出黎自由活動(1~2個鐘)咁佢會開心好多，咁佢就唔會成日咬籠想出去玩，不過要睇實佢，小心比佢走甩!!


我屋企d倉鼠都係咁，咬到個鼻冇左忽毛，睇到都可憐，跟住我試左呢個方法之後佢真係冇咁經常咬籠，不過d倉鼠咬籠都係無可避免既事黎......係佢地既天性。

放舊木係佢咬的地方，等佢磨牙