會考好驚自己一分都令唔到

溫習係冇特別技巧嘅，況且人哋啱用你未必適應，哪，譬如有人認為唔可以捱夜，一定要夠瞓。

其實只要盡咗力就得啦，睇你都好重視學業，屋企人應該明白嘅，若果你日日花精神在擔心會考成績，咁咪仲浪費時間？好似黃霑話齋，盡力做但係要放開。

唔係關乎腦筋聰明與否，有些人天生冇書緣，即係好努力都讀唔到書，咁咪向其他方向發展囉，例如喜歡電腦嘅，可鑽研砌機；愛時裝化裝，可以學有關方面技術，都有前途架。

樂觀啲，你成日諗住啲衰嘢，就會吸引衰嘢啦，集中精神努力溫習，我唔會話高分冇用，但分數低一樣唔駛驚。

我明白你既感受^^我都係今屆會考生.
無論點都好,一齊努力!!

我會覺得一生人一次會考, 淨番個幾月時間
點都要爭取到底... 唔可以令自己放榜果日後侮:)
只要盡力溫,就算根基唔好都無愧於心~岩唔岩先?^^

我e家開始每日都溫10個鐘左右,真係要的~
我考8科...;( 壓力可能大過你..

至於技巧就..你每日要不停操past paper~我老師話
如果肯做past paper,肯定比起你本身ge成績高一個grade~
所以,汁得一分得一分喇~
由於分數方面真係好難講..年年深淺同考生水準都唔同..

唔好唸咁多!盡力就okay晒~

會考唔代表一切，如果真係考得唔好，你要唸清楚究竟仲要進修Ｄ乜，裝備好自己，等自己有競爭力去搵工