朗 拿 度 補 時 建 功 , 點解咁遲先俾佢上塲 ?

你估佢仲後生咩? 成卅多歲人, 又養傷成年至復出, 睇佢條水桶腰都唔知仲可唔可以收番身? 仲夠唔夠氣打足90分鐘都成疑問, 咪等佢餓吓波, 有番啲拚勁, 唔好再好似在歐洲打波時, 以為自己是天皇巨星, 上場好似魂遊咁等波踼, 仲變左玻璃腳, 郁啲就受傷, 變左奧雲第二, 佢充其量咪最多打多兩三年就要收山, 好好玩埋佢, 千冀咪學里華度咁衰收尾。不過講時講, 又有幾多個好似碧咸咁, 自己攞錢出來打波吖, 呢啲咪叫做敬業樂業囉!

2009-03-10 10:08:56 補充：
樓下嗰位又唔好知啲唔知啲, 所謂里華度衰收尾是指他被巴塞免費放走後, 又在AC坐了一年冷板, 結果當年只有31歲的他最後只有轉投足球水平較低的沙特球隊阿爾伊蒂哈德, 以堂堂一個踼過世界杯的巴西著名國腳落得如此, 是否有點令人悲哀, 更有足球發燒友給他一個別名 : 「未曾幸福過的落難球王」。

2009-03-16 10:14:44 補充：
講股就話個個自命是專家, 估唔到講波都有人認屎認屁。學人講戰術? 打正前鋒就可以在中場等波踢? 咪笑大人個口喇! 夠體力的當打球員, 那個前鋒不返後幫防守, 若打雙箭頭的, 咪兩個前鋒企喺開波圈度等人餵? 俾佢入到波都唔夠後面失波喇, 咪知少少扮代表喇! 又話人讀中文讀上腦呀? 唔該所謂留過學既睇清楚人家點寫再講喇, 敬業樂業講既係碧咸, 啲中文唔惦咪寫英文囉!

2009-03-17 12:07:13 補充：
留學非洲嗰位 : 呢度係足球區? 你估大球場定旺角場呀! 呢度係知識+呀, 懵佬, 仲話經常踢正式比賽, 踢膠波呀? 「後防失唔失波都要前峰負責任」? 足球是要講求整體, 前鋒只負責入波? 反衛只唔俾人入波? 咁各自為政, 打十場輸足十場都得哪! 懵佬! 自己啲中文又唔惦(可能啲非洲話會好啲呱), 剩係識斷章取義, 話碧咸敬業樂業就代表大哨唔敬業樂業? 我罵你懵佬唔代表罵全人類吧! 都廢事同啲白痴寫咁多, 收筆!

先回答你既問題...再同你討論果兩位人兄既問題!~

遲俾佢上場有兩大原因!!體力同埋戰術!~

體力問題唔係話佢體重或者肥...而係一個人太耐冇比賽...體力上一定跟唔上比賽既節奏...呢D唔係話訓練可以訓練到既體力...因為比賽果時同訓練好唔同...你精神狀態要好專注...肌肉既拉緊力都會變得唔同...所以佢咁耐冇踢...一定無可能踢晒90分鐘(邊個球員都係)...如果俾佢踢正選...姐係一定要之後換走佢...變到焗限左教練因比賽情況可以調配既選擇...而呢一度...有少少帶落去下一個POINT 戰術!!

戰術上...以大哨既技術...就算以家無以前咁癲...亦夠係巴西聯賽屈機...如果係之後放佢落黎...係人地踢到累晒果時佢入黎爆...絕對係一個殺著...放佢入黎20分鐘入到一球好過俾佢踢全場入唔到波...唔係話佢踢全場入唔到波...而係大家都岩岩開波體能上冇左優勢...難入波D...咁點解唔捨難取易...自己制造優勢呢!?
順帶一提...除左教練同佢自己之外冇人知佢狀態係點...之後放落場絕對有催谷狀態之用!!

2009-03-14 14:06:33 補充：
你地兩位講既野各有道理但我有D野唔係咁認同!~

2009-03-14 14:07:11 補充：
你話佢唔敬業樂業...你讀中文讀上腦呀?
如果佢冇鐘意足球既心佢拿到足球先生...唔通佢真係外星人...佢多次係重傷後回復顛峰亦係好少人可以做得到...佢係足球付出既努力係冇野可以扼殺!

2009-03-14 14:07:21 補充：
第2位人兄話
"而且又驚佢又受傷，上場都又抬走左，
所以唔會畀佢打正選，後備落場都唔會又早換佢入黎"
我覺得應該唔係因為佢已經係養入到好晒先出返場..唔係硬上場...如果話驚受傷唔上場..不如唔好踢!!不過第一場都有咁既可能既!~

2009-03-14 14:07:42 補充：
李華度果度...同朗拿度根本好難比
你講拿歐聯拿西甲果D...呢D唔係個人榮譽...冠軍係成隊波既努力拿返黎...唔可以用呢個黎判斷個人成就...如果就咁睇技術能力個人獎項..朗拿度係贏晒無得比GA!~不過人比人比死人...李華度隻黃金左腳確實好勁!!

2009-03-14 14:12:51 補充：
佢唔係以為自己係天皇巨星...佢等波踢係因為踢法問題...佢係正前峰...需要支援...如果佢成日返黎拍波或搶波..返左後面...後面自己人搶到波佢唔係最前面只會減低反撃既效率同成效...馬拿當拿都唔係試過好多次一過十之後入波啦!~佢走位係配合好既時間先走...成場係咁走既體力一定下降得好快...對每個球員黎講都係...同埋有好多時都係冇意思...反而企係前面都仲可以牽制到敵方守衛

2009-03-17 03:13:10 補充：
話我學人講戰術?你都白痴GA,呢度係足球區唔講戰術講乜Q呀?喂你都識講夠體力既當打球員啦,人地問緊朗拿度呀,真係唔知邊個扮專家話人地知D唔知D先,唔好俾個陣式COOL死自己啦,打雙箭頭不嬲都有個墮後有個上前牽制GA LA(果時RAUL都墮後朗拿度係最前啦係皇馬時期!)如果最前果個下下返中場搶波,搶到又要重新做波,打唔到反擊

2009-03-17 03:14:05 補充：
你之後果句真係笑大人個口啦...前面入波都唔夠後面失波?白痴!!後防失唔失波都要前峰負責任你係未食懵左呀?朗拿度場上既唯一責任就係將個波送入網...亦係所有打最前既前峰既責任!!當然有時亦要回防朗拿度亦都有做唔少係歐洲果時!!你睇過佢幾多場波呀?喂未係囉...人地呢個問題係問朗拿度..你無Q啦啦話碧咸敬業樂業,姐係話朗拿度唔敬業啦..如果你冇咁既意思我唔合你講黎做乜囉...咁如果係咁既意思我未答左你點解朗拿度有敬業樂業囉,硬係鐘意將個問題扯到9丈遠!!

痴綫` 李華度 成就點會同 朗拿度 差唔多牙?` 問下人 朗拿度 係邊個應該人人都知啦, 如果唔熟足球個D點會識 李華度?

朗拿度受傷左成年有餘，
根本唔會有踢足全場９０分鐘的體力和狀態啦
而且佢宜家肥成咁...一向成症....未受傷前都已經好肥...
宜家仲肥好多，肥到跑唔郁咁滯
而且又驚佢又受傷，上場都又抬走左，
所以唔會畀佢打正選，後備落場都唔會又早換佢入黎

仲有，我唔認同樓上那位說李華度衰收尾喎！
如果比成就，李華度絕對唔會差得過朗拿度！
西甲冠軍：打和，大家都攞過幾屆
意甲冠軍：２個都踢過ＡＣ米蘭，大家都無
歐聯冠軍：朗拿度無！李華度好似在０３年ＡＣ米蘭攞過
國際賽　：大家都係咁高咁大，肥哨做前鋒，個人獎項當然會多Ｄ
足球先生：大家都攞過！



2009-03-10 15:22:52 補充：
||◤°謝拉特○_∥ 說朗拿度差唔多人人都識，係無講錯到；

但主要原因並非單純佢係攞世界盃冠軍+神射手
仲有好多個原因架埋而成
而係佢成日腳傷、高價轉會皇馬、成日溝女撇女、.....等等

就以球會成就來說，
２個都打過巴塞羅那，
肥哨攞唔到西甲冠軍；
佢一走，李華度一黎就２連冠！
而且肥哨打左十幾年歐洲會，都無攞過歐聯冠軍！

小弟唔係想鬧架，只是以事論事

2009-03-10 15:23:08 補充：
||◤°謝拉特○_∥ 說朗拿度差唔多人人都識，係無講錯到；

但主要原因並非單純佢係攞世界盃冠軍+神射手
仲有好多個原因架埋而成
而係佢成日腳傷、高價轉會皇馬、成日溝女撇女、.....等等

就以球會成就來說，
２個都打過巴塞羅那，
肥哨攞唔到西甲冠軍；
佢一走，李華度一黎就２連冠！
而且肥哨打左十幾年歐洲會，都無攞過歐聯冠軍！