學鋼琴進度

a dozen a day{pre. book} 係用黎練o下手指靈活度，
我唔知你女女開左本書有幾耐，
如果學左半年都仲未學完本書就真係好慢。

如果學左半年之後先開本練手指o既書其實唔係好出奇，
可能老師見佢彈得麻麻，又唔想咁快開一o的難o既書比佢，
想佢打好個底子都唔奇。

正常o既9歲小朋友學半年其實都已經大約學了2-3本書，
例如: Everybody pre and 1
Step by Step book 1 and 2
之後就差不多會開 John w. and Michael Aaron book 1

每個學生資質唔同，可能你見佢現在學得比人慢，
但其實老師想佢打好底子再上，
到時分分鐘會比人學得快，因為個底好。

不停學好多書，彈好多歌都唔= 首首歌都彈得好好~
只係每次彈完o的音就算o既話，只係費時間，
冇真正了解首歌要做到o既o野，
例如有冇依足快慢 / 拍子 / 大細聲 等都好重要。

老師應該同家長多些溝通，
你可以問o下老師你女女o既進度 / 上堂表現 /
每次學左o的咩新o野 / 有咩做得唔夠好 / 功課 等~

如真係覺得有問題的話，可以轉o下老師，
睇o下女女進度會否有突破。

仲有一點的就是，其實學半小時真係唔足夠，
每堂覆琴比老師都用左15分鐘，
其實只係學15分鐘新o野一星期又點會夠呢~
我會建議我學生學45分鐘的。
雖然學費會貴左，但進步係快好多的。

Email: [email protected]