Cannon IXUS 870IS 影相好蒙!~

如果只係移動緊既嘢先矇,咁最大機會就係快門唔夠快涷結唔到動作.
可是870IS是全自動相機,你係唔可以自行調較快門速度.用全自動的話相機唔知你要涷結動作,只會以一個較中庸的速度去影,要加快快門速度只可以靠一啲場景模式去話俾相機聽.870IS冇運動模式,我覺得佢既小孩及寵物模式應該就會加快快門速度,其餘夜景快拍或者iso 3200都有機會係,你最好睇一下說明書確認下.
不過你要知道輕便DC始終有佢限制,特別是在低光時,要加快快門就要提升iso,副作用就係會增加雜訊.
我唔太清楚場景模式仲可唔可以自行調較iso,如果可以既話最好咪用咁盡,最好自行揀一個雜訊你可以接受的iso.
同時為咗增加入光量,最好唔好再zoom遠,因為870IS在最廣角時可用光圈是最大的.

2009-03-12 08:42:37 補充：
多謝桐山既補充.

雖然島sir未能詳細解釋晒，但基於相機種類千變萬化，一個人係冇可能識晒所有o既相機o既功能。

以下我係代島sir補充：

870IS用場景模式，就只有微距係有得set ISO，其他都冇，所以要影到高速相就唯有用ISO3200模式，或者係手動功能 set ISO1600 (當然咁樣會好高雜訊，視乎你喜好)。

不過自己都係870IS o既用家，除左係夜晚吸光會比較差之外，日頭手動模式已經好夠光同夠快，我會懷疑你係咪set左手動模式o既auto (如果係o既話，你影任何相佢都只會用基本o既快門同ISO)。

要set番做全手動，你需要係手動模式再轉一轉右邊個圓圈。