我可以點做.......

✔ 最佳答案

中四男仔唔好咁快講終身幸福...
入正題...你嘅年紀我都經歷過, 不過我係女人, 所以多少都知道個女仔想點或者諗咩。雖然我同你地年紀差2倍, 但我發覺男女情愛個種心態係千古不變, 個個年代都一樣, 早排先又再比左D意見比個哥哥仔, 都係大你幾年, 但問題同你好似。

依照你個段落覆你問題:

一個女仔唔討厭你, 都會關心你; 在於佢嚟講, 或者你個笑話真係好笑呢! 佢挨o係你膊頭, 動作好普通, 不過喺你地呢個年紀, 佢未必十分鍾意你, 但一定有好感, 否則街都費事同你去...佢可能暗示或希望你去追佢; 不過要有心理準備, 佢未必受你, 只係想享受被愛及被追嘅感覺。

佢咁講咪以退為進喇! 話比你知我好長情, 追我有難度架, 唔好以為我好濫or隨便; 如果個心仲有ex-bf, 仲邊有位去容納你? 就算掛住都相信未致於去到唔接受其他男仔嘅地步; 其實想睇下你嘅誠意同有幾鍾意佢。有種講法---吊高嚟賣, 咁先矝貴。冇辦法, 女仔天性鍾意受異性重視, 就算我個時成廿幾歲人都咁做過。

你都係幾啫, 唔係好鍾意個隻呀...咁你有冇問過自己點解會鍾意佢...除開其他理由, 其中嘅原因會唔會係因為得唔到, 所以個心囉囉孿, 放唔低佢呢? 係你就中招喇, 咁你明白點解佢要講以上個番說話 ; )

你可以咁嘅, 鍾意佢係事實, 高調定低調都比佢知你心意先, 起碼你有表白過, 日後唔使後悔; 照追佢, 比自己一至兩個星期時間, 如果佢冇表示接唔接受你, 但又同你傾電話去街等, 咁你就對佢冷淡幾日, 未至於唔睬佢, 只係唔多理佢、唔多應承佢去街、扮忙、時不時係佢面前同其他異性傾得好開心, 但小心, 唔好過火; 但間唔中又打個電話問下佢做咩; 嘩, 如果佢對你有意思, 你咁樣忽冷忽熱, 佢就會緊張你。始終男女相處, 無非都係玩心理戰; 同埋難聽D講句, 犯賤...你緊佢唔緊, 你唔緊佢就緊。

不過, 呢D純屬個人經歷&意見, 我唔清楚你&佢嘅性格, 因為太過硬朗嘅女仔, 可能同你鬥硬頸...都係要睇你臨埋門個腳喇!

2009-03-09 00:45:21 補充：
再有疑惑, e-mail to me: [email protected]

回答 (2)