親屬接手獨資無限公司業務

2009-03-08 11:19 pm

我有一間美容院(獨資無限公司)打算結業，但姐姐想用回原先店名繼績經營，并接手所有儀器及舊客户未完成既course。我有以下疑問 :-

(1) 咁既情況叫做業務轉讓嗎?獨資無限公司可以咁樣轉讓嗎?
(2) 美容院無負債而姐姐亦會接手舊客户未完成既course，還有需要根據（香港法例第49章）業務轉讓（債權人保障）條例第4及5條的規定做登報聲明嗎?除咗要通知商業登記署申請撤銷之外，還有什麼手續需要辦理?
(3) 需要搵會計師樓 / 律師行做文件處理除名 / 解散等事宜嗎?
(4) 我一向自己埋數報稅，現在姐姐接手經營，這次有需要搵會計師樓為舊美容院埋數嗎?
(5) 除咗要通知商業登記署申請撤銷之外，還有什麼手續需要辦理?

回答 (1)

Maverick

2009-03-09 5:51 am

✔ 最佳答案

1. 業務轉讓要上律師事務所及在報紙登通知，並要開列資產及債務﹝包括未完成客戶療程﹞。你亦可以先加家姐做合伙人然後自己即刻退出公司。咁你家姐同你就可以最快、最平嘅方法完成轉讓。你要注意最平唔代表最安全！
2. 按道理你要結束自己個業務然後再叫家姊開始同名同地址的公司，咁你個租約同員工點做呢？你要將租約轉俾家姐﹝同業主傾改，要做Assignment of lease﹞而員工亦要先遣散然後再由新公司聘請。所有稅務要向稅務局交代清楚以後才可以結業。
3. 視乎你兩姊妹感情點，不過我會建議搵會計師計清條數然後上律師事務所辦清楚轉讓業務。有陣時自己人啲數唔清楚會搞到斷六親，咁就無謂啦！
4. 一般在業務轉讓會有會計師參與，不過你係自己人，可以開列轉讓資產清單及未完成療程客戶明細等，經雙方確認簽署就可以，不過租約同員工仲係要按程序完成。
5. 你除咗通知商業登記外仲要稅務局利得稅。手續上你應該通知客戶，供應商，員工，業主等有關你業務轉變及你家姊接手。
僅供參考，希望幫到你！

👍 0 👎 0