✔ 最佳答案
樓主﹕何福良係兼營副業既大師級電專家，亦係我既知識友。佢其中一樣副業係鋪設水管工程，不過佢今次唔夠細心，所以我蝦佢同佢搶答，其實我冇乜幾可有機會可以蝦到佢，因為我實在真係唔夠佢叻。
我本身唔係水喉師傅，我係一個發霉裝修判頭仔，好多時都會接哂全屋既裝修工程嚟做，包括全屋水喉工程。
我係以機會率嚟判斷何大師唔夠細心。
第一﹕你地下發熱既位置係喺其中一間房門口，除非樓下拆房改橺格，否則呢個唔會係樓下天花既燈位。
第二﹕你已確定發熱位置係熱水喉路經之處，呢個係不可忽略既巧合。
第三﹕你話要有人用完客廁沖涼才會熱，呢個係令何大師想追住我嚟打既思源邏輯推敲完素。
綜合以上三點，我既睇法係發熱既位置係熱水喉既駁口位。
而家d水喉師傅一般都會用包膠熱水銅喉，呢種膠內有條形坑紋作為留空間俾熱水喉受熱澎漲，亦可減低傳熱面積。d膠同埋膠內既空氣都可隔熱，但係駁口位就冇膠隔熱。收欖配件唔在講，就算你位水喉師傅用焊鍚配件，都未必會咁好心機喺駁口位慢慢笠番d膠上去隔熱，呢d就係只得一個瓷磚位發熱既原因。
你問番你d師傅熱水喉入房駁口位喺邊，你自己首先唔好出聲，如果佢吔講既位置真係發熱位置，咁咪可以確實囉。
我雖然蝦何大師，但亦要請教番何大師點解熱水喉最好直上直落唔好打橫行呢？點解最好行牆身唔好行地下呢？何大師我冇呃你，我真係唔知道，由於我唔係做水喉出身，d師傅又冇教我呢樣嘢，所以希望何大師你塞錢入我個袋。
2009-03-08 13:38:06 補充：
有時我同人裝修，兩個廁所共用一個熱水爐就焗住要行地下。
2009-03-10 23:29:40 補充：
我諗咗兩日，終於明白何大師果句「如果係我就唔會將啲熱水喉經過地面到對面」既意思，相信佢既意思係俾佢就寧可行外牆，漏水都冇咁大鑊。相當有道理，以後現埸情況許可我一定會叫d客由外牆過。
