好煩呀,我應該點做好,其實佢係咪已表咗態唔想再一齊喇???

其實呢個問題煩咗我好耐,我大概講吓啦~首先我係女仔,我舊年(08年)x'mas時識咗個net frd,佢細我3年,係佢add我msn問嘢先嘅,咁响msn傾咗冇耐就同佢交換咗電話no.,就開始sms with him,冇耐佢就主動call我,我地就開始傾電話....佢果時差不多日日call我,問我响邊,做緊咩,一日會call我幾次....而且佢對我好好(果時),有好多嘢都肯主動幫我,慢慢我就鍾意咗佢.....我都有將佢對我嘅態度同我啲frd講,佢地都覺得佢鍾意我,咁我覺得如果大家都有feel,邊個講先都冇問題,所以我就主動同佢表白咗.....點知佢就話我地大家都未見過面,點解我會鍾意佢?咁我話感覺嘅嘢好難講....我話如果你對我冇feel就算,我唔會逼你....咁佢又話唔知架可能會鍾意呢,但要見過大家先知有冇feel...咁我地終於响23/1/09出嚟見咗大家,果晚大家放工後就約咗去尖沙咀一齊dinner,之後去咗海旁散步,亦都傾咗好耐偈,大概23:00左右就走,佢陪我去搭巴士,之後我地就以男女朋友關係約會,其實要你地睇咗我個blog先明故事發展....我只可以講自從15/2見完佢之後就冇再見過,約親佢都諸多藉口咁推我,但佢約佢啲frd出去玩又有時間....呢排我地只係間中傾吓電話....其實我有問佢係咪想分手,佢又話唔係,只係佢呢排有好多嘢煩想靜吓,佢話其實拍拖唔使成日見,但係我同佢一齊果一個月都係見過6次only,當中仲包括咗我教佢彈琴嘅日子,仲有响新年果個week佢突然失咗踪成個星期,我揾咗佢好耐都揾唔倒,至到佢响msn揾返我先知佢原來同班frd去咗玩(呃我話返大陸,但同佢其他frd講話去咗長洲,都唔知邊句真=.=")....1個月見6次咁都算多???唉我唔想再追究見面多與少嘅關係,我只係覺得好辛苦,我唔想再拖落去....其實我好愛佢,對佢亦好好,情人節佢冇陪我過寧願陪frd落bar玩通頂,但我都一早買咗部mobile俾佢做禮物,反而佢冇送任何嘢俾我,i dun mind,只要佢對我好就夠....你地認為佢係咪已單方面分手呢?麻煩你地話我知應該點做,thz a lot!!!