✔ 最佳答案
BB要人抱係因為無安全感, 其實個個bb都係咁的。
我的建議係: 你不如就多d抱下佢啦。
我知道有好多人都話抱得多怕種壞, 但係我就唔係咁睇。
佢初來呢個世界, 唔知頭唔知路, 又唔係好睇到野, 無人抱時又唔知d人去哂邊, 好驚架嘛。當佢好驚, 佢發現自己除了哭咩都唔識, 咁就唯有哭啦, 點知你d大人用自己的心計去猜度佢, 又話佢"扭計", 又話佢煩。其實佢咩都唔識, 驚咪哭囉, 你地大人就識諗咁多野je, bb唔識, 佢只係覺得無助。父母應該多多體量, 初生時抱多d, 佢發現只要有咩事就好快有人理佢, 佢自然會建立安全感的了。
我仔仔9個月大, 4個月之前都係好難sleep的, 一放低就哭。grandma好錫好錫, 一哭就心痛一定要抱, 工人就唔俾, 佢話會寵壞。結果而家仔仔大了, 佢已經好易湊, 我覺得係grandma的功勞, 因為仔仔知道佢有咩事, 一哭就有人理佢, 佢安全感大自然會唔扭計。
俾多d信心bb啦, 而家未係train佢獨立的時候, bb要找到安全感才學獨立的。多多愛心, 多多包容。到佢5, 6個月, 佢要開始周圍探索, 視力又好了, 就唔會好似而家咁驚青的了。