在港島中西區某間小學三年級的小兒因搬去九龍區轉唔轉校好.

[匿名]

2009-03-06 11:55 am

我哋一家三口係等候上公屋,所以就暫租住港島中西區,但今年業主通知要收樓,由於我們等上公屋已經有幾年,所以應該都差唔多有樓了,所以就搬去住九龍區的媽咪到暫住,
最煩的事就係小兒學校問題,因他係在港島區讀小學三年級,也因現在以經進入下學期佳段.所以不知道轉唔轉校好?如果唔轉小兒就要每天6時起身返學,而放學回家大约要5至5點半才回到家,所以學校老師打电話問點解小兒上堂無精神,
而且我也問過附近補習社,她們話如果要每天一早返學,到放學後约6點半在要補習至到8點半,這種補習方式會好辛苦也浪費金錢學唔到野,所以現在真的不知點做好呢?
哈哈!好開心!點解?因我在寫問題內容時間,老公話我知已收到有得上公屋了.係派咗籃田但要年中先可入伙.
現在我的心情係覺得悲喜交雜,喜就係等咗约5年终於等到上樓重係全新樓!
而悲就係小兒轉唔轉校呢?點算呢?有冇兩全期美方法呢?我曽問過在藍田的小學現收不收插班生?有多間都話要到7月份才有.但係要等教育處派完後有餘位材會收其他,小兒的位置係後補生的身份,要等政府派哂有派位知格的學生有餘位才到後補生.
更令我擔心係唔轉校繼續讀他辛苦也學唔到野.要到7冃都唔知點算好呢?
有冇人可以話我知點好,真係十分烦~烦~煩救命呀?覺位姊姊妹妹哥哥弟弟叔叔伯伯.幫幫手快快幫我解决這個問題,現先在此多谢定大家先唔好見怪多多包包涵及見諒.

回答 (1)

用戶11086

2009-03-06 7:47 pm

✔ 最佳答案

你好！希望可以幫到你.
首先我會覺得你仔仔需要轉校, 不過轉校前考慮佢要轉校讀小學三年定係二年, 點解咁問 ? 因為轉校過程中, 小朋友需要適應期, 往往因為適應期會影響學習, 加上現在已下學期, 成績一定會有影響，政府網頁公營小學學額空缺情況到二月份為止, 觀塘區小二學額空缺情況 224 個位 , 小三學額空缺情況 52 個位.　
就以上資料我會幫仔仔現在轉小二做插班生，打去教育局同佢講因為已遷居九龍及快將搬遷入藍田，電：2832 7700 向學位分配組查詢。及上小學概覽觀塘區有 33 間小學資料, 毎間打去問, 因為搬咗屋, 有冇小二學位, 唔好只係問藍田的小學, 可以問觀塘區, 因為小學會決定中學的校網派位,
小學概覽網址
http://chsc.edb.hkedcity.net/primary/
**************************
個人經驗:
仔仔於中小學分別曾轉校, 學校很多抄錄功課, 成績平平, 由原校小二轉至另一校升小三, 學校功課需俾已往少, 但成績仍然沒有改善, 直至升中, 因為成績問題, 可選中學減少, 到中學時成績仍然不太好, 直至中三那年, 仔仔可在原校升中四, 但最終和他討論過後決定轉校重讀中三. 眼見仔仔轉校重讀，除成績有改善外, 最重要係佢信心大咗, 有動力咗.
註:
轉校重讀可以打好基礎外, 可被免同學眼光的壓力.
大部份學校為免要做大量工作, 不會有機會原校重讀.

👍 0 👎 0