我想做空姐有咩途徑一問

其實只係有中5學歷如果想做空姐真係比較難, 而且你重要英文唔及格... 你首先要考試補返個英文, 重考英文會考又好, 考 IELTS (International English Language Testing System) 又好... 點都要攪返掂個英文先... 因為無論做空姐/地勤, 中英文既語文能力都好重要...
以空姐黎講, 本地航空公司 就主要都係 國泰/港龍... 不過你亦可以試下其他非本地航空公司, 因為佢地不時都有來港招聘 (例如: 日本航空(JAL), 新加坡航空, 大韓航空 等等)... 當然如果你識第3種語言(中英以外)會有幫助啦... 不過外地航空公司好多要求都會比較高, 一定要中7學歷(部分重要大專)... 而國泰就係中5都可以, 不過而家好多申請人都係中7/大專, 所以中5既機會會比較細左...
而如果你話先做地勤再轉, 就只要國泰可以... 因為其他香港既地勤服務公司都係無飛行部門... 而國泰黎講佢其實同空姐要求係差唔多, 都係中5, 會考5科及格 而且要有中英文... 不過相對地因為好多 中5以上學歷既一去就去申請空姐, 所以地勤對於學歷無咁高既係比較易入... 再者入左之後, 佢會睇到你表現, 如果好既你轉既機會都大 (當然係入去interview時就唔好話你入地勤係想遲D轉去做空組啦, 因為如果你咁講佢一定唔比你過)...
怡中地勤 都算係幾大既地勤公司, 不過佢就無飛行部門... 所以無機會比你轉空姐, 而且你話係怡中做地勤之後走去國泰申請空姐唔會易... 但係怡中既要求係比國泰低, 佢雖然無話要有中英文, 只係話5科合格, 不過你無英文佢基本上都未必考慮... 因為佢都係需要識中英文既...
所以你最好都係考返個英文先, 之後試下入國泰地勤... 不過佢而家暫時停止招聘人手, 起碼到2010年先會再請(因為到時先過左經濟危機)... 所以你亦都可能諗下搵D野讀, 讀到中7同等學歷咁機會都大D... 因為如果你想入行(國泰 空姐/地勤)都要等下架啦...