我夢見自己要同教會d人一齊預備緊個function而返去採排，點知我拎左份報告返黎（岩岩睇完醫生），報告話我有左BB（剛剛有果種）； 但我唔敢講俾任何人知，只係企埋一邊收收埋埋咁……
咁夢裡面（聽講）有個女人都係有左BB既；
後黎我終於都忍唔住，於是拉住左一個我幾信任既教會朋友（男）， 私底下好細聲咁話佢知我有左……
佢好關心咁問我個BB係邊個既，我一時之間答唔到……跟住開始諗係邊個……
起初我好肯定唔係阿甲既，以為係阿乙既；點知計過日期之後，至發現完全無可能係阿乙，再計，就發現原來係阿甲既……
最後，個教會朋友話我知，原來個女人個BB無左……
之後我就一直為到有BB呢件事困擾，自己呢埋一角唔採排，話自己唔舒服就瑟縮一角……
個夢既背景係：我同阿乙拍過拖一段時間，有發生過關係，但係後尾分左手，疏晒（不過夢裡面又一d都唔覺hurt）；阿甲係之前個幾月黎同我close左，好關心我，對我好好既人，我同佢發生過一次關係（但夢裡面只係覺得佢好人，未有諗過一唔一齊）；而個女人就聽講佢係有左，但係個男人（唔知老公定男朋友）唔要佢，所以成日都神情呆滯咁瑟縮一角，又唔同人講野……
現實之中我未拍過拖無男朋友，我又無同任何人發生過關係…… （所以絕對唔會有BB！亦因為咁，所以夢裡面知道自己有左就好驚……）
而夢裡面個女人同埋乙我都係完全唔識既，阿甲係我現實中鍾意既男仔（佢都似係有d鍾意我，不過我就成日都擔心最終響唔到一齊）；
個教會朋友其實都唔係太熟，不過大家都叫做「傾得下計」，互相都信任既；
現實之中教會無野要採排，不過最近加入左個小組，多左機會幫下手咁（所以夢裡面同我一齊採排既partners，就係小組既組長組員）……
想問大家呢個夢點解架？
我希望唔好係好大圍咁話懷孕代表咩既答案，而係case by case既答案……
唔該各位～～
To: vince2hotmail 唔多似～～ 第一，我鍾意既人同個小組完全無關係，因此我從來無咁既恐懼，而且非常投入； 第二，小組好歡迎我加入，唔見得會有任何問題，而且最近非常順利，亦唔見得會failure（咩叫「小組失敗」？）； 第三，其實我唔係太mind俾人知我鍾意佢（但如果可以既話都唔會太高調既），而且小組裡面已經有一個人知情； 第四……個阿乙呢？ 第五，「計日子」又代表d咩呢？
補充多少少啦～ 補充一： 最近教會有個activity剛剛deadline左，我同夢裡面個教會朋友都有報名（但暫時以我所知就應該全教會只有我同佢報左名會參加）； 之前我曾經有諗過我鍾意既人會唔會參加，不過我計黎計去都覺得「機會不大」…… 補充二： 以前我的確係有d驚同佢太close既，而且仲成日都覺得同佢之間好難再有機會…… 不過最近（大約呢十日倒）發現原來「未必無可能」，心情有d「心如鹿撞」，同埋希望有機會大家可以close番d（想由朋友開始）…… 希望多左「發夢之前既背景」之後，可以令到大家加深了解左我點解發呢個夢，同埋可以幫到我啦～～ 唔該晒各位～～
To: vince2hotmail 講漏左！ 點解我會響夢裡面咁驚俾人知我有左同瑟縮一角呢，因為我好多時發夢會將夢境當左係現實，分唔清自己原來只係發緊夢…… 咁我現實之中係無同任何人發生過關係，所以覺得自己無可能有左，於是就因為咁而覺得相當矛盾同羞恥，於是就將自己收埋，同埋好mind俾人知自己有左（所以響夢裡面自然只係拉住信任得過既人講）…… 不過我覺得有d奇……現實之中我同個教會朋友唔係太熟（只係得閒會「傾兩句」，關係良好，同埋我地都對果個activity有興趣，都會積極參與），反而現實中close過佢既朋友仲大把……
唔知會唔會同呢個activity有關呢？？ （P.S. activity will be held in Easther Holiday...）
To: 靚靚精靈 其實我近呢幾日都有諗過下佢會唔會參加架！ 我想問呢，夢裡面起初都係好肯定唔係佢，但最後竟然係佢嘅，咁會唔會暗指到我初初太肯定佢唔會參加，但最後竟然見到佢呢？ （因為係我同嗰位唯一同我一齊參加嘅朋友討論時至發現原來個胎係佢嘅……）
