歐洲旅行建意

樓主既預算同時間都好合理，只要小心計劃，一定可以有一個愉快既行程，以下係小弟既一啲建議。
首先我想簡介一下法國的地理背景，因為對計劃旅行好重要。第一件事要記住既係法國同意大利都係歐洲大國，佢地既國土面積好大，基本上無可能係短時間內遊遍兩國，你最多只可以係一次旅行去一部份地區遊覽。正如你亦不會覺得有人可以係三個月之內遊遍中國一樣。小弟要強調呢點係因為以前我聽過有人想係兩星期內遊完巴黎後南下亞維農，再去遊意大利及瑞士，提出既嗰位仁兄根本就對巴黎同亞維農之間既距離毫無概念，佢以為兩地之間好似由紅磡去大埔咁近，坐幾十分鐘火車就到。但其實兩地相距頗遠，僅是交通就要用起碼兩日進出。


由於法國好大，旅遊區也很分散，所以樓主一定要好清楚去法國究竟想睇乜。以我對法國既認識，我會將佢分成以下幾個旅遊區﹕大巴黎區、位於法國南部既蔚藍海岸區、不列塔尼及諾曼第區、亞爾薩斯及洛林區、波爾多及香檳區。法國既大都市和主要名勝絕大部份都集中在大巴黎及蔚藍海岸區，其他幾區主要都係睇法國既田園風光，而波爾多及香檳兩個地方雖然係地理上不相連，但由於她們都係酒鄉，所以都以同酒有關既景點為主。但其實即使係蔚藍海岸區既幾個名城，如馬賽、尼斯、康城及摩納哥都只是賣風景為主既城市，而摩納哥雖然不賣風景，但嗰度除左賭場之外就無其他吸引遊客的景點。法國大部份既精華都集中係首都及其附近地區，所以如果樓主未去過法國，最經濟實惠的方法就像我一樣只遊巴黎。由於已有太多資料介紹巴黎既景點，小弟不在此重覆，以下小弟會講下意大利有咩地方好去。
遊覽意大利其實比較麻煩。一般人都係分南、北兩個部份，好少人南北部一次過去晒，好似我呢啲歐遊初哥，去意大利暫時都只係去北部。而去北部旅遊都離唔開去四大名城，即係羅馬、佛羅倫斯(加比薩)、威尼斯及米蘭。雖然四個城市都好出名，但係每一個城市逗留既時間都唔需要一樣，但時間點分配就要視乎樓主既需要。一般黎講大家會留係羅馬同佛羅倫斯耐啲，小弟建議你係羅馬留4日3夜，最少都要3日2夜，咁先可以去晒有價值既景點。佛羅倫斯最好留3日2夜，因為要預一晝去比薩睇斜塔，再番黎佛羅倫斯就無咁趕。威尼斯雖然出名，但大部份人都留比較少時間，因為佢真係無咩睇，純粹只係見識下呢個水鄉，小弟係呢度都只係留左一日咁多。至於米蘭就更加無野睇，去既人通常都只係為左買名牌，如果樓主對購物無咩興趣就唔好去啦。

交通方面，如果由羅馬去其他意大利城市都係搭火車，意大利既火車好準時及舒適，絕對信得過。樓主可以買意大利火車証，不過我無買，因為我覺得自己係嗰度只係搭幾程火車，所以不如上意大利國鐵既網頁訂飛好過。
羅馬與巴黎之間既交通一定要搭飛機，但點去我就唔係好知，好似係由羅馬嗰個國際機場搭去巴黎一個內陸機場(唔係戴高樂)。機票好似可以網上訂，但樓主最好都係問下一啲專攪歐洲旅遊既旅行社。
最後提多一樣野，樓主用成25000蚊飛半個地球咁遠去歐洲HEA﹖坦白講，小弟以上提議既行程可以好辛苦，我覺得仲辛苦過番工好多倍。不過個行程仍然好有意義，因為我有機會見識到西方文化中最精髓既部份，嗰種震撼及得著係值得大灑金錢及耗盡精力去欣賞同感受。但如果樓主只係唸住去歐洲只係為左殺時間或為去而去，咁我保証你係上述既行程之後肯定極為失望。
希望以上既意見可以幫到樓主。

2009-03-09 21:51:04 補充：
樓主想慢慢享受歐洲既文化氣息就梗係最好不過。小弟建議你可以好似我係羅馬最後一日咁，特登留一個下晝，無預啲咩特別行程，然後隨興之所致係力所能及既地方慢慢行，咁樣你會好多時有意外驚喜。小弟就係因為咁行下行下，去左好靚既勝利聖母堂及天使聖馬利亞教堂，呢段經歷反而係小弟全程最深印象既一段旅程。

腸胃健康

我做文職, 133磅, 用咗簡單經濟既方法!減左22磅,改善頭痛,胃痛,暈車浪, 靜脈曲脹

我個女14歲由小到大肥胖, 三個月減20磅.改善鼻敏感, 流鼻血, 讀書仲好咗, 仲拿第一添.

營養蛋白素

一杯營養代餐相當於33種蔬菜, 6種水果,內含200多種營養素,
蛋白素相等於5錢燕窩、2份蔬菜、1份水果、1塊牛扒同半杯鮮奶！

濃縮蘆薈汁
功能 :
促進體內的自我潔淨功能，令消化系統更健康
紓緩消化系統壓力
維護消化系統功能正常運作，確保腸胃的潔淨
清除體內毒素。
增強免疫功能。
對抗炎症，消炎止痛。
促進傷口愈合。

健康新文化www.HealthComeTrue.com/life