被業主貼通知收樓...........

業主已經話明按金唔可以作租金使用, 你私自用按金代替果兩個月租, 業主當然可以告你唔交租. 試想吓, 按金作用係在你退租時如果單位有任何不正常損壞 (唔包括正常損耗 wear & tear) 或有任何費用未俾時, 業主就可以由按金扣. 你用嚟當租, 到你搬走時如果單位亂七八糟, 破損處處, 水電煤未交, 咁業主何來有按金扣? 佢又去邊度追你數?
答番你問題:
1. 業主無犯法. 因為你有權問佢攞收據. 你問, 而佢唔俾, 就係佢唔啱. 但你唔問, 係你自已嘅决定, 唔關佢事. 而且如果你用銀行入錢 / 轉賬交租, 咁銀行收據又可算係收據.
2. 業主講明唔包屋內電器維修, 而你話屋內燈有漏電危險, 你要搞清楚係棧燈有問題定屋內電線系統有問題? 如果係棧燈有漏電危險, 咁就唔關佢事, 所以你告唔到佢. 如果係電線系統有問題, 你可要佢維修, 但亦唔可以以此為由夾梗以按金當租. 兩件事嚟.
佢講明唔可以以按代租, 你私自唔交租夾硬想以按代租, 始終係你唔啱. 不如同佢傾吓, 話想留 d 錢租屋, 不如一個月按金代租, 一個月留作按金啦. 不過傾時應帶埋最近屋內照片, 最近水電煤單, 俾佢睇到間屋無重大損壞, 而 d 賬單又無拖欠, 即係一個月按金 cover 到任何問題, 佢有可能應承你, 咁咪重好! 好過你夾硬揾藉口去唔交租吖!
順帶提吓你, 欠租而鬧上租務法庭, 會被紀錄在你個人信貸資料庫內, 會影響你信貸紀錄嘅. 第時可能申請唔到貨款 / 信用卡...

1. 我想問個業主一直都冇比收據我, 佢有冇問題(犯法)???
根據業主與租客綜合條例，香港法例第7章，業主必須於收到租金後盡快向租客發出收據，否則屬違法。

2. 如果我證明間屋有問題(屋內燈有漏電危險)而業主冇履行合約, 咁我係咪可以告返佢.....
可以，但必須要有充份証明並提交土地審裁處。

3.你必須立即向土地審裁處提交答辯書，說明反對收樓理由，如以上兩點，那麼土地審裁處會開庭審理，但你如果遲交答辯書(收到通知後14天內)，則業主可以租客無答辯為理由，申請勝訴判令。

租金中寫開管理費，是業主要如實報稅之原因。這已能顯示業主是一名忠實的人！

您的行為我絕對不認同，不能將按金代租金這是租務條例法律問題，業主已早早說明這點給您知，而您都明知故犯，似乎在情在理都是您的錯！

朋友，做人要對得住天地良心！

2009-03-06 08:18:00 補充：
於生約期間業主與租客只要按合約訂明都有權提出終結，我看不到租客有什麼權利不願搬出及作出種種的威脅行為！

1)睇樓時地產話租金係$5500 (per month), 但佢係份租約分開寫租金$4700, 另管理費$800(唔知點解佢要咁寫?)

分開寫冇問題吖,只係話業主D租金有$800係管理費。

2)佢就要你比左2個月按金佢($11000)。

都冇問題,正常,個個都係咁,最重要係你退租時佢要比返你。

3)係08年12月間屋有2部抽氣扇都壞左(已經過左死約), 你通知業主需要維修, 但佢話係你地成日開所以壞咗唔理。

咁張約有冇話業主包抽氣扇維修呢?有就叫佢整,冇就你搵人整囉。

4)你以電話通知業主話你唔再租啦, 用按金個兩個月代替。佢話唔得…

注意,法律上按金係唔可以代替租金,你唔理佢,你係犯咗法嘅,快快交返啦。

5)個業主一直都冇比收據你, 佢有冇問題(犯法)???

你有問佢唔肯比,如果佢目的係唔交稅咁佢犯咗法喇,不過佢去咗土地審裁署入紙要收番間屋,咁即係佢冇呃政府,否則點去土地審裁署入紙?

6)如果你證明間屋有問題(屋內燈有漏電危險)而業主冇履行合約, 咁你係咪可以告返佢?

如果佢交樓比你時冇漏電,你住咗成年先漏電,你用到漏電你應整返比人啦,重告人?

其實如果租約度寫明不包屋內電器維修,你應維修返你用壞D電器。如果租約度有寫明包屋內電器維修,咁租金都自然會貴D啦!人地業主租樓比你都要好重本,唔通蝕本租比你咩?唔好為咗唔想比尾兩個月租想咁多借口喇,自己客觀D想一想吧!