新樓差响幾時開始要交?

[匿名]

2009-03-04 10:08 pm

請問大家知唔知新樓盤,已入伙,是怎樣計有差响?
因為我上年4,5月收樓入住, 見遲遲未有差响單, 曾向當局查詢,他們當時告訴我新樓是有9個月免差响的....而我一月收到新一季的付款單亦已交了款項,點知上星期卻忽然收到通知說我欠了去年3季的費用???現追收我及附加費!!!

回答 (1)

Kenkh

2009-03-05 7:09 am

✔ 最佳答案

根據差餉條例，所有現存單位及新建成單位(由屋宇署發出佔用許可証當天開始計)，都必需要繳納差餉。由於有好多時新樓發出佔用許可証即"入伙紙"的日期，跟發展商交樓比你嘅日期有一定差距，可能有2個月至6個月不等，發展商經常將這6個月的差餉轉嫁比第一手業主，但其實第一手業主不用負責這段期間嘅差餉，第一手業主要負責嘅係由簽署轉讓契即樓契當天開始才需要負責繳納以後的差餉。仲有由於係新樓嘅關係，差餉物業估價署需要時間為新單位進行評估差餉租值，所以有機會延遲發出差餉單。現時你嘅情況加上去年免繳差餉的安排，差餉徵收比較混亂，建議係帶同一切文件，親身到估值署與當值職員商討你的個案，並要求豁免附加費。

參考: 法律知識及經驗

👍 0 👎 0