室內攝影的技巧

其實DC仔一樣可以調節曝光光暗的,只是限制會比DSLR大.
肉眼見到室內光線充足只是一個錯覺,和室外的太陽比較,光度差幾百倍.在陽光下,即使最低iso都很容易去到超過1/100秒,用相同設定在室內燈光下,快門分分鐘超過一秒.
慢快門要面對的問題就是手震及不能涷結動作.如果只係影靜態物件,尚可以開腳架慢慢影,反正曝光十秒也沒有問題,但cosplay的人可不能咁耐都唔郁.
要解決有幾個方法,每一個方法都有優缺點,其中一個方法就係用閃光燈.亦係最容易既方法,所以比較多人用.
閃光燈可以在很短時間提供足夠光線,快門加快可以解決手震及涷結動作的問題.但副作用就係你講既人太白,背景太黑.人太白有兩個可能性.
1.閃光輸出不正確,DSLR的閃光不同DC仔,係可以好準確咁控制的.但測光依然受制於物件反光,如果cosplay啲人着深色衫多就好容易令相機以為唔夠光而增大輸出搞到白晒.這時候可以調相機的閃光補償減小閃光輸出量.甚至可以用手動輸出選擇合適閃光量.
2.閃光直打引致光質太硬.尤其係內閃,光線太硬太直接反光會好勁,分分鐘面油都反光.解決方法係用一啲柔光設備例如柔光罩,反光板等或者利用天花板或牆作反射閃光打散光線.
至於背景暗就係因為快門太快.閃光燈係冇可能照到所有背景的.太遠既照唔到就會暗.人物貼牆問題唔大,最多陰影比較明顯,背景遠的話閃光燈係冇用的,就算夠力閃到咁遠都因為要遷就前景而被迫減小輸出.這時只可以靠加高iso或者增長快門去吸自然光.
第二個方法就係好似你講咁索性唔用閃光燈用晒燈光影.缺點之前講咗.要刻服有以下方法.
加高iso是必然,iso 400甚至800都可能用到,雜訊多一點都冇計,不過iso 1600最好咪用.買Canon EF 50mm f/1.8 II係一個方法,因為唔駛諗咁多,大光圈快門夠快,手震又好,人地震又好都唔駛理,淨係影就得.不過其實我自己唔鐘意呢個方法.因為光圈開到咁大,一來光學質素會冇咁好,二來景深太淺.影兩個人都有機會一個清,一個唔清,要景更加唔掂.影大頭的話更分分鐘一隻眼清,一隻眼矇.對焦對得唔好仲會成張相都失焦,冇度清.
我覺得買Canon 17-55mm f2.8 IS用較慢快門,細光圈咁影會比較好,支鏡有防震,即使zoom到去55mm,用1/15秒還是可以手持拍攝,不需靠腳架.光圈去翻細啲可以多翻啲景深,f2.8我都盡量小用,起碼用f4,f5.6更理想,情況許可的話f8都唔拘.不過咁做既缺點就係啲人唔可以郁,你必需要時刻留意住要所有人都擺定pose先好影.
其實用自然光仲有一個缺點就係你未必有自然光用.一般酒樓多數冇直接光去到人塊面度,只靠來自四周的反射光終合起來其實個人多數係背光的.影出來酒樓環境係夠光,但個人往往黑面.就算影cosplay有射燈照住,燈光方向會唔會做成難看陰影亦唔係你控制.所以我有第三種方法.
閃光燈向人補光,長快門及高iso吸自然光.
我覺得環境容許你用慢快門的話,咁影效果係最好.人夠光,境夠光.不過其實問題並未完全解決.真係咁影的話你會發覺啲色好怪,無論人或者背景都會偏橙色.關於偏色的問題我寫咗篇文,你可以去以下連結睇下.
http://photo.popart.hk/userarticle/article.php?articleid=68
攝影是不能一本通書睇到老,要知既其實唔係點影,係點解要咁影,例如啲人郁緊,用第三種方法就衰緊,所以好多時俾錢人影既婚宴相都係set細光圈,快快門,靠晒閃光燈就算,背景黑都冇辦法,唔係唔專業,係環境所限.事實上好多時呢個係最有效方法.但係你下下係咁咁你既相就只限於呢種程度.

至於你問的名詞.
3.未講EF同EF-S既分別之前先講APS-C.傳統菲林呎吋是36 x 24mm.但大部份DSLR由於成本關係,感光完件會做細啲,例如50D就係22.2 x 14.8mm,此之謂APS-C.即係只影到中間部份的影像,外圍有一部份冇咗,做成好似用咗支長鏡影咁.所有Canon APS-C都有1.6倍焦距增長(其他牌子會有分別).所以用50mm鏡影出來既範圍會等於菲林機用80mm影既一樣.
1.EF鏡頭係全片幅鏡頭,可以用在菲林機或任何DSLR.EF-S鏡頭係專設計俾APS-C用的,成像圈比較細,用在大片幅相機會有黑角或者不能接上的問題.
2.USM,超聲波對焦作用係對焦比較快及靜.
4.平時影相可以用中間對焦點半按對焦後再構圖.但如果影郁既嘢就冇時間俾你咁做,必需要應用到中央以外的對焦點.又或者淺景深時,再構圖要大幅度擺動相機就會有機會失焦,這時用最近的對焦點對焦會比較好.
對焦點除咗重量之外,仲要重質,好多入門機中央以外對焦點只係單線型,準確度及敏感度都比十字型低.50D就全部都係十字型.中央一點配合f2.8或以上大光圈鏡頭仲會變成更敏感的雙十字型.

2009-03-04 14:30:32 補充：
當然刻意做淺景深時可以用大光圈.

如果你部 DC真係得, 老實講就冇人買單鏡機架勒... 你買得50D, 我唔覺得你經濟會有太大問題, 所以會有O的要使下錢既建議.

第一關於地場燈光既問題, 事實上人眼覺得夠光既地方好多時對DC係完全唔夠. 推ISO唔係唔得, 不過DC雜訊比較強, 過400既話只要燈光差少少基本上會好似FOG左咁. 相對於DSLR, 入門級既EOS 450D去到1600都仲頂得住, 有時網上見到O的相連3200都見到, 一分錢一分貨有時都冇乜點錯.

所以, 以為室內夠光就唔開閃燈, 最後出黎個效果多數會太黑.

而且, 閃燈仲有一個更加重要既功能: 皮膚會白O的. 影COSPLAY呢O的女仔, 一支閃燈打埋去皮膚白之餘亦可以減少陰影做成既黑位, "一白遮三醜" 咁樣睇落會靚O的.

不過, 視乎你咩機有時閃燈都唔係萬能. 如果你用既係機身內置閃燈, 基本上係唔夠力既. 所以照唔到背景, 所以你會發覺只有主體黑, 尤其係呢O的SHOW, 背景離主體太遠所以閃燈照唔到, 咁咪黑晒囉.

至於影COSPLAY用咩鏡, 個人會推介你最貴果支!! 70-200 F2.8
圖片參考：http://l.yimg.com/f/i/tw/ugc/rte/smiley_18.gif
!! 不過呢支野雖然好但係超貴, 所以真係有錢至諗啦~

支 17-55mm其實已經包左50mm呢個焦距, 所以雖然話定焦一般表現比變焦好, 但係要買多一支就唔係好值. 以非全片幅相機計, 會有一個1.6既焦距倍數, 會變成大約 27mm-88mm, 基本上影唔太遠既人像已經足夠應付.

光圈快門等唔會太複雜. 可以放至2.8光圈至求突出個COSPLAYER, 而考慮到你唔會有太多停留時間所以快門最好保持1/60或更快,

至於酒吧, 普通DC完全冇符, 因為冇外置閃燈. 只可以靠室內人像模式進行, 咁長時間曝光下手震係一個問題, 而唔夠光亦會係一個考起DC既因素.

不過, 就算用DSLR, 我唔信你可以係酒吧咁狹窄既環境內玩"飛燈" (即係以遙遠控制令閃燈係其他地方補光), 所以, 最後都係要還原基本步: 機頂燈

機頂燈如果以相機內置既閃燈, 有可能唔夠力(DSLR都一樣), 如果範圍唔太大, 主體係大約4米內, 內置閃燈都可能COVER到, 不過背景就難搞O的.

建議你花大約2000買支中級既閃燈. 呢O的閃燈(唔使一定買返CANON果支, 尤其係如果你想慳錢)會有可以配合CANON相機既程式, 所以可以利用TTL (Through The Lens)模式進行曝光. 咁情況會好好多.

至於光圈, 因為光圈係針對閃燈設定調較, 所以以中庸之道: 5.6為佳. 快門會需要慢少少, 可能至到1/15, 咁可以令背景光O的多O的DETAIL.

室內好多會要需要到~35或更廣既焦距, 不過你支17-55會夠闊架勒, 都唔夠闊既話, 亦唔係你既錯.

另外, 答返你既名詞問題:
EF係CANON個鏡頭MOUNT既名, EF-S係指支鏡頭係專俾非全片幅機身用既鏡頭, 因為成像圈比較細 (詳情以下再講), 所以全片幅既機身就用唔到 (好似Nikon既D3, 裝呢種鏡頭上去佢會自動將像素減低只用中間係成像圈內既感光元件). 你買既係50D既話, 咁佢就係一部非全片幅既BODY, 兩個鏡頭都用得. 不過EF鏡因為係俾全片幅用既, 所以一般會貴O的, 雖然質素會高O的不過除非你打算升級全片幅否則你唔需要強求EF 鏡.

2. 呢個只係鏡頭摩打既名稱. 唔使太介懷尤其係佢地對焦時由0.3秒變成0.2秒你都唔會覺架啦~ 依家支支鏡頭都內置摩打咁滯......

3. APS全名係Advanced Photo System. 係以前出現一年幾就被淘汰既菲林格式. 佢個大小就係現今非全片幅DSLR既感光元件大小. 因為感光元件細左, 所以就好似將一張相既四邊CORP走, 於是會有個1.6既比例. 而亦產生EF-S鏡頭系列, 因為成像圈細左所以好多野都可以縮細, 亦令到EF-S鏡頭容易做到短焦距同輕之餘仲要唔係太貴.

4. 所謂自動對焦點只係相機用黎做對焦既參考點. 太多太少其實影響唔大, 尤其係如果你習慣將主體放正中間.
到你開始構圖, 咁主體未必放正中間時, 呢O的點就會幫你LOCK實個主體. 但係呢O的對焦點唔識跟住主體走, 所以當你按半下(啟動對焦鎖)時, 相機會顯示邊個對焦點放係主體上便, 咁佢地就會開始計數去將焦點放係主體上便.

老實講身邊幾個初學攝影既朋友最後都只係返中間果粒, 寧願先鎖定再移位構圖. 因為咁可以保證你既焦點放正你想要既位置, 由相機自己揀, 好多時佢未必放得正.


最後最後, 建議你去搵O的攝影初班上下堂, 因為光圈快門焦距ISO呢四樣夾埋既配合千變萬化, 先有O的基本資料打底之後影相會更加得心應手.