首次懷孕的要點

首先去攞醫生信, 去普通家庭醫生都得, 係証明你真係懷孕
有醫生信後, 其實你要早D去排期, 政府同私家醫院都好爆

首先要排期做第一次產檢, 視乎你想在私家定政府定私家生, 如選政府生就拿驗孕証明信 &老公身分證COPY去屋企附近健康院排期, 詳情可睇呢個網址

http://www.fhs.gov.hk/tc_chi/centre_det/maternal/maternal.html

去私家生就拿驗孕証明信去你想去生的私家醫院排期, 好似話而家為免D人霸私家同政府兩個床位, 私家醫院連香港人都要比按金, 所以你都係諗清楚去邊度生先去排期啦

當然你排左邊間醫院就去邊度做產檢, 所以你最好搵番近你屋企, 如果唔係到你大肚後期, 個肚鑼咁大都要去做產檢, 好辛苦架

另外以下For Your Ref

11-12週, 做唐氏綜合症測試--度頸皮 & 抽血

18-20週做結構性超聲波, 睇BB心, 肝, 腎, 手指, 腳指齊唔齊, &有無兔唇

28週照4D, 呢個唔係必須, 只係好奇想睇下BB, 唔做都得)

呢D政府醫院無架, 私家醫院都未必有, 有都比較貴, 自己搵私家產科診所醫生做啦

你要選擇去政府生定私家生BB先。去政府生既話，首先你要去普通診所驗孕，由醫生寫封轉介信比你，拎住呢封轉介信就去你想生BB既政府醫院到登記
若果想去私家既，就直接去睇私家醫生，一般都會一直睇到生。不過就要搵個可以去到你想生BB果間私家醫院既醫生喇
第一次檢查既話，去政府醫院登記完之後就會同你排期，不過因為太爆滿喇，所以第一次檢查都可能已經係有左三個月，之後會六星期檢查一次，越近後期就會越CHECK得密D。去私家既話第一次就會即刻同你檢查，開頭都會4-6星期檢查一次，之後都係越去越密既。一般到最後果個月都會一星期檢查一次
要驗OSCAR，就要11週至13週期間做，不過通常都好FULL，所以好多人一知道有左就會去BOOK。所以若果你而家想做既話就要盡快BOOK喇，可以打去沙田威爾斯，大約$1000~
另外仲可以照結構性超聲波，大約18-20週就照得架喇